Ethel Caterham | 117వ పుట్టినరోజు జరుపుకున్న ఎథెల్ కేటర్హామ్

Published: 22 Aug 2026 • 02:02 PM

* ప్రపంచంలోనే అత్యంత వృద్ధురాలు..

* కుటుంబ సభ్యులు, స్నేహితుల మధ్య ఎథెల్ కేటర్హామ్ జన్మదిన వేడుకలు

అకేరు న్యూస్ లండన్: ప్రపంచంలోనే అత్యంత వృద్ధురాలిగా గుర్తింపు పొందిన ఎథెల్ కేటర్హామ్ తన 117వ పుట్టినరోజును కుటుంబ సభ్యులు, స్నేహితుల సమక్షంలో ఘనంగా జరుపుకున్నారు. ఇంగ్లాండ్‌లోని సర్రేలో ఆమె జన్మదిన వేడుకలు నిర్వహించారు.

1909 ఆగస్టు 21న జన్మించిన ఎథెల్ కేటర్హామ్.. 2025 ఏప్రిల్‌లో ప్రపంచంలోనే అత్యంత వృద్ధురాలిగా గుర్తింపు పొందారు. 117 ఏళ్ల వయసులోనూ ఆమె తన పుట్టినరోజును కుటుంబ సభ్యులతో కలిసి ఆనందంగా జరుపుకోవడం విశేషంగా నిలిచింది.

తన 116వ పుట్టినరోజు నుంచి ఇప్పటివరకు ఎన్నో కొత్త అనుభవాలు ఎదురయ్యాయని కేటర్హామ్ తెలిపారు. వాటిలో ముఖ్యంగా యూకే రాజు మూడో చార్లెస్ చేతిని పట్టుకోవడం తనకు ప్రత్యేకమైన అనుభూతిగా నిలిచిందని ఆమె పేర్కొన్నారు.

ఒక శతాబ్దానికి పైగా జీవితాన్ని పూర్తి చేసుకున్న ఎథెల్ కేటర్హామ్.. ప్రస్తుతం ప్రపంచవ్యాప్తంగా అత్యధిక వయసు కలిగిన వ్యక్తిగా ప్రత్యేక గుర్తింపు పొందారు. ఆమె 117వ పుట్టినరోజు వేడుకలు ప్రపంచవ్యాప్తంగా మరోసారి వార్తల్లో నిలిచాయి.