Actress Laya | ప్రేమబానిస పోస్ట‌ర్ లాంచ్

Published: 22 Aug 2026 • 10:45 PM

* ఆవిష్క‌రించిన హీరోయిన్ ల‌య

ఆకేరు న్యూస్‌, హైద‌రాబాద్ :

హనీ క్రియేషన్స్ సమర్పణలో హీరోలు శ్రీ, రాజువర, హీరోయిన్ శృతి శంకర్, నటులు అప్పారావు, రైజింగ్ రాజు ముఖ్యపాత్రల్లో నటిస్తున్న చిత్రం ‘ప్రేమబానిస’ ఈ చిత్రానికి సంబంధించి ఫిలిం ఛాంబర్ లో హీరోయిన్ లయ చేతుల మీదుగా పూజా కార్యక్రమం, పోస్టర్ లాంచ్ ఘనంగా జరిగింది.
ఈ సందర్బంగా దర్శకుడు సలీం భాషా మాట్లాడుతూ… హీరోయిన్ లయ చేతుల మీదుగా ‘ప్రేమబానిస’ పోస్టర్ విడుదల కావడం చాలా ఆనందంగా ఉంది. మా చిత్ర కార్యక్రమానికి చీప్ గెస్ట్ గా వచ్చిన లయకు ఈ సందర్బంగా కృతజ్ఞతలు తెలిపారు. ‘ప్రేమబానిస’ అందర్నీ అలరించే కథాంశంతో రూపుదిద్దుకుంటోంది. అన్ని వర్గాల ప్రేక్షకులను ఈ సినిమా ఆకట్టుకుంటుందనన్న నమ్మకం ఉంద‌న్నారు. సెప్టెంబర్ నుండి కర్నూల్ లో ఈ చిత్రం శరవేగంగా రెగ్యులర్ షూటింగ్ జరగనుంది అని తెలిపారు.
నిర్మాతలు ఎస్. మహబూబ్ భాషా, కె. ప్రభాకర్ లు మాట్లాడుతూ.. ప్రస్తుతం టాలీవుడ్ లో వస్తోన్న ప్రేమకథలకు భిన్నంగా ఈ చిత్రం ఉంటుంది. ఎక్కడా రాజీ పడకుండా చిత్రాన్ని నిర్మించనున్నాం అని తెలిపారు. హీరోలు శ్రీ, రాజువర మాట్లాడుతూ.. యువతరం మెచ్చే కథాంశంతో ఈ సినిమా రూపుదిద్దుకోనుంది. మాకు ఈ సినిమాలో అవకాశం కల్పించిన దర్శక, నిర్మాతలకు కృతజ్ఞతలు తెలుపుతున్నాం అన్నారు. హీరోయిన్ శృతి శంకర్ మాట్లాడుతూ.. చక్కటి అవకాశం ఇచ్చిన దర్శక, నిర్మాతలకు కృతజ్ఞతలు తెలిపారు. తనకు ఇచ్చిన కథానాయిక పాత్రకు పూర్తి న్యాయం చేస్తానని పేర్కొన్నారు.
—————————–