MLA Naini Rajender Reddy | ఆ సీఐపై విచారణ చేయిస్తా..

Published: 31 Aug 2026 • 04:59 PM

ఆకేరు న్యూస్, హనుమకొండ: హనుమకొండ సీఐ వ్యవహారశైలిపై పలు ఆరోపణలు రావడంతో ఆయ‌న‌పై విచారణ చేయిస్తానని వరంగల్ పశ్చిమ నియోజకవర్గ ఎమ్మెల్యే నాయిని రాజేందర్ రెడ్డి తెలిపారు. బోనాల పండుగ సందర్భంగా ఫ్లెక్సీల ఏర్పాటు విషయంలో చోటు చేసుకున్న వివాదం హనుమకొండలో రాజకీయంగా చర్చనీయాంశంగా మారిన విష‌యం తెలిసిందే. హనుమకొండలో సోమ‌వారం నిర్వహించిన మీడియా సమావేశంలో ఎమ్మెల్యే నాయిని మాట్లాడుతూ.. ఫ్లెక్సీల వివాదానికి సంబంధించిన ఘటనపై తన దృష్టికి పలు అంశాలు వచ్చాయని చెప్పారు. ఈ వ్యవహారంలో హనుమకొండ సీఐ పాత్ర, వ్యవహారశైలిపై వచ్చిన ఆరోపణలను పరిశీలిస్తానని పేర్కొన్నారు. ఈ క్రమంలో కొందరిని పోలీస్‌స్టేష‌న్‌కు తీసుకెళ్లారంటూ ఆరోపణలు, విమర్శలు వెల్లువెత్తాయి. ఈ అంశంపై పూర్తి వివరాలు తెలుసుకుని విచారణ చేయిస్తానని ఎమ్మెల్యే అన్నారు. ఫ్లెక్సీల వివాదం నేపథ్యంలో చోటు చేసుకున్న పరిణామాలు ప్రస్తుతం హనుమకొండ రాజకీయ వర్గాల్లో ఆసక్తికర చర్చకు దారితీశాయి.