Vijayawada| విజయవాడ ఉత్సవ్‌-2.0

Published: 10 Oct 2026 • 06:32 PM

* ద‌స‌రా అంటే విజ‌య‌వాడ గుర్తొచ్చేలా ఏర్పాట్లు
* రాష్ట్రప‌తి స‌హా ప్ర‌ముఖుల రాక‌..
* బ్రోచర్‌ విడుదల చేసిన కేశినేని జానకి లక్ష్మి

Vijayawada| ఆకేరు న్యూస్‌, విజ‌య‌వాడ : విజయవాడ ఉత్సవ్‌-2.0ను ఘనంగా నిర్వహించేందుకు ఏర్పాట్లు వేగంగా సాగుతున్నాయి. విజయవాడ తూర్పు నియోజకవర్గంలోని సిద్ధార్థ హోటల్ మేనేజ్‌మెంట్ కళాశాలలో జరుగుతున్న ఏర్పాట్లను విజయవాడ ఎంపీ కేశినేని శివనాథ్ (చిన్ని) సతీమణి కేశినేని జానకి లక్ష్మి పరిశీలించారు. ఈ సందర్భంగా ఉత్సవ వేడుకలకు సంబంధించిన అధికారిక కార్యక్రమాల బ్రోచర్‌ను ఆమె ఆవిష్కరించారు.

రాష్ట్రప‌తి స‌హా ప్ర‌ముఖుల రాక‌..

ఈ సందర్భంగా జానకి లక్ష్మి మాట్లాడుతూ.. విజయవాడకు ఉన్న చారిత్రక, సాంస్కృతిక, ఆధ్యాత్మిక ప్రాధాన్యతను దేశవ్యాప్తంగా సముచిత రీతిలో చాటిచెప్పాలనే ఉద్దేశంతోనే ఎంపీ కేశినేని చిన్ని ఈ ఉత్సవాలకు శ్రీకారం చుట్టారని తెలిపారు. దేశవ్యాప్తంగా దసరా పండుగ అనగానే విజయవాడ ప్రత్యేకంగా గుర్తుకు వచ్చేలా ఈ వేడుకలను తీర్చిదిద్దుతున్నామన్నారు. అంతేకాకుండా, భారత రాష్ట్రపతి ద్రౌపది ముర్ముతో పాటు పలువురు ప్రముఖులు ఈ వేడుకలకు హానుండటం విజయవాడ ప్రజలందరికీ ఎంతో గర్వకారణమని ఆమె పేర్కొన్నారు.

100కు పైగా పోటీలు

నగరంలోని విద్యార్థులు, యువత, మహిళలు మరియు కళాకారుల్లో దాగివున్న సృజనాత్మక ప్రతిభను వెలికితీసేలా తుమ్మలపల్లి కళాక్షేత్రంలో 100కు పైగా పోటీలు, 7 విభిన్న విభాగాల్లో టైటిల్ పోటీలను నిర్వహిస్తున్నట్లు తెలిపారు. అంద‌రూ మ‌న ఇంట్లో జ‌రిగే పండుగ‌లా భావించి హాజ‌రు కావాల‌ని కోరారు. ఇది ఏ ఒక్కరికీ పరిమితం కాని ప్రజలందరి సొంత పండుగ అని అభివర్ణించారు. అమ్మవారి దర్శనానికి వచ్చే లక్షలాది మంది భక్తులకు పగటిపూట ఆధ్యాత్మిక అనుభూతిని, సాయంత్రం వేళల్లో కన్నులపండువైన సాంస్కృతిక ప్రదర్శనలను అందించడమే ఉత్సవ్ ప్రధాన లక్ష్యమని స్పష్టం చేశారు.