తెలంగాణలో వడ్ల ధరలు
* బాదేపల్లి మార్కెట్లో ఆర్ఎన్ఆర్ ధాన్యానికి భారీ ధర
* వరంగల్, హైదరాబాద్ మార్కెట్లలో ధాన్యం ధరలెంత?
ఆకేరు న్యూస్, మహబూబ్నగర్ : వరి రైతులకు (Paddy Farmers) మార్కెట్లో మంచి ధర లభిస్తోంది. మహబూబ్నగర్ జిల్లా జడ్చర్లలోని బాదేపల్లి వ్యవసాయ మార్కెట్ (Badepally Agricultural Market)లో ఆర్ఎన్ఆర్ రకం ధాన్యానికి (RNR Paddy) క్వింటాల్కు గరిష్ఠంగా రూ.3,969 ధర పలికింది. నవంబర్ 18, బుధవారం ఈ ధర నమోదైంది. దీంతో బాదేపల్లి మార్కెట్లో ధాన్యం ధరలు (Paddy Prices) చర్చనీయాంశంగా మారాయి.
బుధవారం ఒక్కరోజే బాదేపల్లి వ్యవసాయ మార్కెట్కు సుమారు 12,320 క్వింటాళ్ల ధాన్యం అమ్మకానికి వచ్చినట్లు మార్కెట్ వివరాలు వెల్లడిస్తున్నాయి. ఆర్ఎన్ఆర్ రకం ధాన్యానికి గరిష్ఠంగా రూ.3,969 ధర లభించగా, కనిష్ఠ ధర రూ.2,209గా నమోదైంది. ధాన్యం రకం, నాణ్యత, కొనుగోళ్లను బట్టి ధరల్లో వ్యత్యాసం కనిపించింది.
* మార్కెట్లో ధరలెంతంటే?
నవంబర్ 18న అందుబాటులో ఉన్న మార్కెట్ ధరల వివరాల ప్రకారం.. వరంగల్ జిల్లాలోని చేర్యాల వ్యవసాయ మార్కెట్లో ఐఆర్-64 రకం సన్నధాన్యానికి క్వింటాల్కు కనిష్ఠంగా రూ.2,500, గరిష్ఠంగా రూ.3,000 ధర నమోదైంది. మోడల్ ధర రూ.2,800గా ఉంది.
హైదరాబాద్కు సమీపంలోని రంగారెడ్డి జిల్లా సర్దార్నగర్ వ్యవసాయ మార్కెట్లో ధాన్యానికి క్వింటాల్కు కనిష్ఠంగా రూ.3,000, గరిష్ఠంగా రూ.3,300 ధర పలికింది. మోడల్ ధర రూ.3,200గా నమోదైంది. ఇక షాద్నగర్ మార్కెట్లో సన్నధాన్యం (సోనా రకం) మోడల్ ధర క్వింటాల్కు రూ.2,721గా ఉంది.
* ధాన్యం రకం, నాణ్యతే కీలకం
ధాన్యం ధరలు (Paddy Market Rates) ఒకే జిల్లాలోని మార్కెట్లలోనూ, ఒకే మార్కెట్లోనూ వేర్వేరుగా ఉంటాయి. ధాన్యం రకం, నాణ్యత, తేమ శాతం, గ్రేడ్ను బట్టి ధరల్లో మార్పులు చోటుచేసుకుంటాయి. బాదేపల్లి మార్కెట్లో నమోదైన రూ.3,969 గరిష్ఠ ధర ప్రతి రైతు ధాన్యానికి లభిస్తుందని భావించకూడదు. కాబట్టి రైతులు ధాన్యాన్ని మార్కెట్కు తీసుకెళ్లే ముందు ఆయా మార్కెట్ యార్డుల్లో తాజా ధరలను తెలుసుకోవడం మంచిది.
Also Read : అంగన్వాడీ చిన్నారులకు గుడ్న్యూస్..!

Please tell us what is wrong. Your report will be sent to the website team.

