ONGC Apprentice Recruitment 2026
* రేపే దరఖాస్తులకు చివరి తేదీ
* నెలకు రూ.12,300 వరకు స్టైపెండ్..
* 10వ తరగతి నుంచి డిగ్రీ వరకు అర్హత
ఆకేరు న్యూస్, డెస్క్: ప్రభుత్వ రంగ సంస్థ ఆయిల్ అండ్ నేచురల్ గ్యాస్ కార్పొరేషన్ (ONGC Apprentice)లో అప్రెంటిస్ శిక్షణ (ONGC Apprentice Recruitment)కు దరఖాస్తు చేసుకునేందుకు గడువు రేపటితో ముగియనుంది. దేశవ్యాప్తంగా 24 వర్క్ సెంటర్లలో మొత్తం 3,047 అప్రెంటిస్ పోస్టులను భర్తీ చేయనున్నారు. ఆసక్తి, అర్హత ఉన్న అభ్యర్థులు నవంబర్ 20, 2026లోగా ఆన్లైన్లో దరఖాస్తు చేసుకోవాలి.
* ఏపీలో 129 పోస్టులు..
ఆంధ్రప్రదేశ్లోని కాకినాడ, రాజమండ్రి వర్క్ సెంటర్లలో మొత్తం 129 ఖాళీలు ఉన్నాయి. కాకినాడలో 76, రాజమండ్రిలో 53 పోస్టులు ఉన్నాయి. ఆయా వర్క్ సెంటర్లకు నిర్దేశించిన జిల్లాల నివాసం లేదా విద్యార్హతకు సంబంధించిన నిబంధనలను అభ్యర్థులు తప్పనిసరిగా పరిశీలించాలి. సంబంధిత ట్రేడ్, వర్క్ సెంటర్కు ఉన్న అర్హతలను నోటిఫికేషన్లో చూసుకోవాలి.
* అర్హతలు ఇవే..
పోస్టును బట్టి పదో తరగతి, ఇంటర్మీడియట్, ఐటీఐ, మూడేళ్ల డిప్లొమా లేదా డిగ్రీ ఉత్తీర్ణులైన వారు దరఖాస్తు చేసుకోవచ్చు. బీఏ, బీకాం, బీఎస్సీ, బీబీఏ, బీఈ, బీటెక్ వంటి విద్యార్హతలు ఉన్నవారికి కూడా సంబంధిత విభాగాల్లో అవకాశాలు ఉన్నాయి. అభ్యర్థుల వయస్సు 18 నుంచి 24 ఏళ్ల మధ్య ఉండాలి. నిబంధనల ప్రకారం వయోపరిమితిలో సడలింపులు వర్తిస్తాయి.
* స్టైపెండ్ ఇలా..
ఎంపికైన అభ్యర్థులకు అప్రెంటిస్ శిక్షణ (Apprentice Stipend) సమయంలో విద్యార్హత, పోస్టును బట్టి నెలకు రూ.8,200 నుంచి రూ.12,300 వరకు స్టైపెండ్ చెల్లిస్తారు. శిక్షణ వ్యవధి 12 నెలలు. రాత పరీక్ష నిర్వహించకుండా విద్యార్హతలో సాధించిన మార్కుల ఆధారంగా మెరిట్ జాబితా రూపొందిస్తారు. అనంతరం డాక్యుమెంట్ వెరిఫికేషన్ నిర్వహించి అభ్యర్థులను ఎంపిక చేస్తారు.
* దరఖాస్తు విధానం..
అభ్యర్థులు సంబంధిత అప్రెంటిస్ (ONGC Apprentice) పోర్టల్లో నమోదు చేసుకుని, తమ విద్యార్హతకు సరిపోయే వర్క్ సెంటర్, ట్రేడ్ను ఎంచుకుని దరఖాస్తు చేయాలి. దరఖాస్తు ప్రక్రియను పూర్తి చేసే ముందు వ్యక్తిగత వివరాలు, విద్యార్హతలు, వర్క్ సెంటర్ ఎంపికను జాగ్రత్తగా పరిశీలించాలి.
చివరి తేదీ : నవంబర్ 20, 2026
అధికారిక దరఖాస్తు వెబ్సైట్: https://ongcapprentices.ongc.co.in/
ఇవి అప్రెంటిస్ శిక్షణ పోస్టులు మాత్రమే. రెగ్యులర్ ఉద్యోగ నియామకాలు కావు. అభ్యర్థులు దరఖాస్తు చేసే ముందు అధికారిక నోటిఫికేషన్లో అర్హతలు, వర్క్ సెంటర్ వారీ నిబంధనలు, ఇతర సూచనలను పూర్తిగా పరిశీలించాలి.
Also Read : యాదాద్రిలో ఉద్యోగ జాతర..

Please tell us what is wrong. Your report will be sent to the website team.

