అవుట్ సోర్సింగ్ మ‌హిళా ఉద్యోగిపై దాడి
ఘటనపై తీవ్రంగా స్పందించిన పశ్చిమ ఎమ్మెల్యే నాయిని రాజేందర్ రెడ్డి
ఆకేరున్యూస్‌, వరంగల్ : వరంగల్ ఎంజీఎం ఆస్పత్రిలో దారుణం చోటుచేసుకుంది. ఆస్పత్రిలో ఔట్ సోర్సింగ్ ఉద్యోగి సుమలతపై యూనియన్ లీడర్ రాజమ్మ గొలుసుతో కట్టేసి దాడి చేసింది. ఎంజీఎంలో ఉద్యోగం ఇప్పిస్తే తనకు ప్రతినెలా డబ్బులు ఇవ్వాలని రాజమ్మ బాధితురాలు సుమ‌ల‌త‌కు కండిషన్ పెట్టింది. ఈ క్ర‌మంలో తనకు
డబ్బులు ఇవ్వలేదని కోపంతో సుమలతపై దాడి చేసింది. ఈ ఘటనపై వరంగల్ పశ్చిమ ఎమ్మెల్యే నాయిని రాజేందర్ రెడ్డి తీవ్రంగా స్పందించారు. ఇలాంటి ఘటనలు పునరావృతం కాకుండా అధికారులు తగిన చర్యలు తీసుకోవాలని ఆదేశించారు.
