Bear Attack
* కొడవటూరు శివారులో విషాదం
* పొలంలో పాలు పితుకుతుండగా ఘటన
Bear Attack| ఆకేరు న్యూస్, జనగామ: జనగామ జిల్లాలో ఎలుగుబంటి దాడి విషాదాన్ని నింపింది. బచ్చన్నపేట మండలం కొడవటూరు గ్రామ శివారులో శుక్రవారం ఉదయం జరిగిన ఈ ఘటనలో 60 ఏళ్ల రైతు మిన్నలాపురం సిద్దయ్య ప్రాణాలు కోల్పోయారు. వ్యవసాయ బావి సమీపంలో బర్రెకు పాలు పితుకుతుండగా ఎలుగుబంటి అకస్మాత్తుగా దాడి చేసినట్లు సమాచారం. ఈ ఘటనతో గ్రామంలో విషాదఛాయలు అలుముకోగా, గ్రామ శివారులో ఎలుగుబంటి సంచారంపై స్థానికులు ఆందోళన వ్యక్తం చేస్తున్నారు.
పాలు పితుకుతుండగా దాడి
కొడవటూరు గ్రామానికి చెందిన సిద్దయ్య శుక్రవారం ఉదయం తన వ్యవసాయ పొలం వద్దకు వెళ్లారు. వ్యవసాయ బావి సమీపంలో బర్రెకు పాలు పితుకుతున్న సమయంలో ఎలుగుబంటి ఆయనపై దాడి చేసినట్లు తెలిసింది. ఈ దాడిలో తీవ్రంగా గాయపడిన సిద్దయ్య మృతి చెందినట్లు సమాచారం. ఈ ఘటనకు సంబంధించిన పూర్తి వివరాలు తెలియాల్సి ఉంది.
కుటుంబంలో విషాదం
సిద్దయ్య మృతితో ఆయన కుటుంబ సభ్యులు తీవ్ర విషాదంలో మునిగిపోయారు. గ్రామంలో ఈ ఘటన కలకలం రేపింది. గ్రామ శివారులో ఎలుగుబంటి సంచరిస్తున్నట్లు సమాచారం రావడంతో పొలాలకు వెళ్లే రైతులు, పశువుల కాపరులు భయాందోళనలకు గురవుతున్నారు.
అటవీశాఖ స్పందించాలి
కొడవటూరు గ్రామ శివారులో ఎలుగుబంటి సంచారంపై అటవీశాఖ అధికారులు తక్షణమే స్పందించాలని స్థానికులు కోరుతున్నారు. ఎలుగుబంటి ఆచూకీ గుర్తించి, ప్రజలకు ప్రాణహాని కలగకుండా తగిన చర్యలు చేపట్టాలని విజ్ఞప్తి చేస్తున్నారు. రైతులు, పశువుల కాపరులకు రక్షణ కల్పించేలా అధికారులు చర్యలు తీసుకోవాలని గ్రామస్థులు కోరుతున్నారు.
About the Author
Please tell us what is wrong. Your report will be sent to the website team.
