![Ankitha](https://aakerutelugunews.com/wp-content/uploads/2024/04/RS-Praveen-Ankitha-1024x580.jpg)
డాక్టర్ ఆర్ఎస్ ప్రవీణ్ - అంకిత
* పులకించిన ఆర్ఎస్ ప్రవీణ్ కుమార్
* మా సార్ను గెలిపించండి.. ఆయనే స్ఫూర్తి.
* ఎక్స్లో అంకిత ఆసక్తికర పోస్ట్ ..
తన మాటకు స్ఫూర్తి పొంది.. ఉన్నత శిఖరాలకు చేరుకోవడం.. ఆ విషయాన్ని సదరు విద్యార్థి ఎక్స్(ట్విట్టర్) ద్వారా పోస్టు చేయడంతో ఆర్ ఎస్ ప్రవీణ్ కుమార్ ఆనందంతో పరవశించిపోయారు. ఆ విద్యార్థి పోస్టుకు ప్రతిస్పందిస్తూ తను గర్వపడేలా చేశావు తల్లీ అంటూ కితాబిచ్చారు. అటు విద్యార్థి, ఇటు ఆర్ ఎస్ ప్రవీణ్కుమార్లు పరస్పరం ఆసక్తికరంగా చేసిన పోస్టులు ఇప్పుడు నెట్టింట వైరల్ అవుతున్నాయి.
* ఇంతకీ ఏమిటా పోస్ట్ ..?
హైదరాబాద్కు చెందిన అంకితశ్రీ.. ఎక్స్(టిట్టర్) ద్వారా ఆర్ ఎస్ ప్రవీణ్కు ఉద్దేశించి పోస్టు చేసింది. ఆరవ తరగతి నుంచి గురుకులంలో చదువుకున్నానని, వీకర్ సెక్షన్కు చెందిన తను ఓ మాములు స్టూడెంట్ను అంటూ పేర్కొంది. ఆయన ఒక తండ్రిలా ప్రతీ ఒక్కరిని చేయిపట్టుకుని నడిపించకపోయినా తన చేతలు, మాటలు, స్పూర్తి పొందే మాటలతో తనలా ఎంతో మందిని తీర్చిదిద్దిన ఓ కేప్టెన్, నాయకుడు అంటూ కీర్తించింది. ఆర్ఎస్ సర్ ప్రోత్సాహంతో ఇప్పడు ఏకంగా అజీం ఫ్రేమ్జీ యూనివర్సిటీ(బెంగళూరు)లో చదువుకునే స్థాయికి ఎదిగానన్నారు . ఇదంతా ఆర్ ఎస్ స ర్ ..గొప్పతనమేనని పేర్కొన్నారు. ప్రస్తుతం నాగర్కర్నూల్ పార్లమెంట్ నియోజకవర్గం నుంచి బీఆర్ ఎస్ అభ్యర్థిగా బరిలో ఉన్న మా సార్ను గెలిపిస్తే తనలాంటి వారిని ఎంతో మందిని తయారు చేస్తారని, నాగర్ కర్నూల్ ప్రజలు ఒక్క సారి ఆలోచించాలంటూ విజ్ఞప్తి చేశారు. వివిధ కార్యక్రమాల ద్వారా విద్యార్థులను ఉన్నత శిఖరాలకు చేర్చడమే తన లక్ష్యమని ఆర్ఎస్ సార్ చెప్పారని, ఈ విషయాన్ని ప్రతీ ఒక్కరు గుర్తించాలని ఆ వీడియోలో కోరారు.
* పులకించిన ఆర్ఎస్ ప్రవీణ్
అంకిత పోస్ట్ కు మాజీ ఐపీఎస్ అధికారి ఆర్ ఎస్ ప్రవీణ్ కుమార్ పులకించిపోయారు. అంతకిను చూసి గర్వపడుతున్నానని ఎక్స్(ట్విట్టర్) ద్వారా స్పందించారు. నాన్నలా భావించిన అంకిత … నిన్ను చూసి గర్వపడుతున్నా.. నీకు కోటి ధన్యవాదాలు అంటూ ఆసక్తి కర పోస్టు చేశారు. మీలాంటి లక్షలాది మంది పేద, వెనుకబడిన పిల్లలను గొప్ప గొప్ప విశ్వవిద్యాలయాలలో చదివి ఉన్నత స్థానాల్లో నిలబెట్టాలన్నదే తన లక్ష్యమని పేర్కొన్నారు. తప్పకుండా నాగర్ కర్నూల్ తనకు అండగా నిలుస్తుందని ఆశిస్తున్నానని వెల్లడించారు.
కాగా, జూలైలో 2021 ఆయన ఐపీయస్ అధికారిగా స్వచ్ఛంద పదవీ విరమణ చేశారు. అదే ఏడాది బహుజన్ సమాజ్ పార్టీలో చేరారు. బీఎస్పీ రాష్ట్ర అధ్యక్షుడయ్యారు. ఇటీవలి అసెంబ్లీ ఎన్నికల్లో
సిర్పూర్ నియోజకవర్గం నుంచి ఎమ్మల్యేగా 2023లో పోటీ చేసి ఓడిపోయారు. తాజాగా 2024 సార్వత్రిక ఎన్నికల్లో నాగర్కర్నూలు ఎంపీ స్థానానికి బీఆర్ఎ స్ అభ్యర్థిగా ఆర్ ఎస్ ప్రవీణ్కుమార్ తన అదృష్టాన్ని మరోసారి పరీక్షించుకుంటున్నారు.
————————————