రష్యాలో పర్యటించనున్న ప్రధాని న‌రేంద్ర మోదీ.
* 9న ఆస్ట్రియా సంద‌ర్శ‌న
ఆకేరు న్యూస్ డెస్క్ : ప్ర‌ధాన‌మంత్రి న‌రేంద్ర మోదీ (Narendra Modi) రేపు రష్యా ప‌ర్య‌ట‌న‌కు వెళ్ల‌నున్నారు. ఆయ‌న పర్యటన వివ‌రాల‌ను విదేశాంగ కార్యదర్శి వినయ్ క్వాత్రా ఇప్ప‌టికే వెల్ల‌డించారు. జూలై 8 నుంచి 10 వరకు ప్రధాని పర్యటన సాగనుంది. ఉక్రెయిన్‌పై రష్యా దళాల దాడులు జరుగుతున్న క్రమంలో 5 ఏళ్ల తరువాత మోదీ తొలిసారి రష్యాలో పర్యటించనున్నారు. రష్యా అధ్యక్షుడు వ్లాదిమిర్‌ పుతిన్‌ (Vladimir Putin) ఆహ్వానం మేరకు మోదీ రష్యాలో పర్యటిస్తారు. జులై 8న క్రెమ్లిన్‌లోని ఓ సైనికుడి సమాధి వద్ద నివాళి అర్పిస్తారు. ఆ తరువాత మాస్కోలోని ప్రదర్శన వేదికను సందర్శిస్తారు. 22వ భారత్- రష్యా వార్షిక శిఖరాగ్ర సమావేశంలో పాల్గొని, 9న ఆస్ట్రియాకు బయల్దేరుతారు. 40 సంవత్సరాల తరువాత ఆస్ట్రియాలో భారత ప్రధాని పర్యటించడం ఇదే తొలిసారి.
