Revanth Reddy
Revanth Reddy| ఆకేరు న్యూస్, న్యూఢిల్లీ: ఓటర్ల జాబితా ప్రత్యేక సమగ్ర సవరణ (SIR)పై తెలంగాణ సీఎం రేవంత్ రెడ్డి తీవ్ర విమర్శలు చేశారు. బ్రిటిష్ పాలనలో సైమన్ కమిషన్కు వ్యతిరేకంగా వినిపించిన ‘సైమన్ గో బ్యాక్’ నినాదాన్ని ప్రస్తావిస్తూ.. ప్రస్తుతం ‘SIR గో బ్యాక్’ అనే నినాదం వినిపిస్తోందని వ్యాఖ్యానించారు.
ఢిల్లీలో మాట్లాడిన రేవంత్ రెడ్డి.. SIR ప్రక్రియ పౌరుల ఓటు హక్కును దెబ్బతీసేలా ఉందని ఆరోపించారు. ఈ అంశంపై యువత రోడ్లపైకి వచ్చి ఉద్యమించాలని పిలుపునిచ్చారు. సైమన్ కమిషన్ను బ్రిటిష్ ప్రభుత్వం ఉపయోగించిన తీరుతో పోలుస్తూ.. ప్రస్తుత కేంద్ర ప్రభుత్వం ఎన్నికల సంఘాన్ని ఉపయోగిస్తోందని ఆయన ఆరోపించారు.
సైమన్ కమిషన్తో పోలిక
1928లో భారత రాజ్యాంగ సంస్కరణలపై సిఫారసులు చేసేందుకు బ్రిటిష్ ప్రభుత్వం సైమన్ కమిషన్ను ఏర్పాటు చేసింది. కమిషన్లో ఒక్క భారతీయ సభ్యుడు కూడా లేకపోవడంతో దేశవ్యాప్తంగా నిరసనలు వెల్లువెత్తాయి. ఈ వ్యతిరేకతకు ప్రతీకగా ‘సైమన్ గో బ్యాక్’ నినాదం విస్తృతంగా వినిపించింది. ప్రస్తుతం SIRపై తన అభ్యంతరాలను వ్యక్తం చేస్తూ.. అదే చారిత్రక నినాదాన్ని రేవంత్ రెడ్డి ప్రస్తావించారు.
ఈసీపై విమర్శలు
SIRపై ప్రతిపక్షాల విమర్శలు కొనసాగుతున్న నేపథ్యంలో రేవంత్ రెడ్డి ఈ వ్యాఖ్యలు చేశారు. ఎన్నికల సంఘానికి సంబంధించిన కొన్ని నిర్ణయాలపై కమిషనర్ల మధ్య అభిప్రాయ భేదాలు ఉన్నట్లు వచ్చిన వార్తలను కూడా ఆయన ప్రస్తావించారు.
అయితే SIRతో పాటు గత ఏడాది తీసుకున్న నిర్ణయాలను పూర్తి కమిషన్ ఏకగ్రీవంగా ఆమోదించిందని ఎన్నికల సంఘం స్పష్టం చేసింది.
భగత్ సింగ్ ప్రస్తావన
తన ప్రసంగంలో రేవంత్ రెడ్డి భగత్ సింగ్ను కూడా ప్రస్తావించారు. ఈవీఎంల అంశంపై కాంగ్రెస్ నేత రాహుల్ గాంధీ పోరాడుతున్నారని పేర్కొన్నారు.
About the Author
Please tell us what is wrong. Your report will be sent to the website team.
