Snake Bite Hostel Tragedy
ఆకేరు న్యూస్, డెస్క్: జార్ఖండ్లో తీవ్ర విషాదకర సంఘటన చోటుచేసుకుంది. ఒకే పాఠశాల హాస్టల్కు చెందిన నలుగురు విద్యార్థినులను పాము కాటేయడంతో, ఒక బాలిక ప్రాణాలు కోల్పోగా.. మరో ముగ్గురు తీవ్ర అస్వస్థతకు గురయ్యారు.
* నిద్రిస్తుండగా దాడి…
పోలీసులు మరియు పాఠశాల ప్రతినిధులు తెలిపిన వివరాల ప్రకారం.. లోహార్దగా జిల్లాలోని ఒక పాఠశాల హాస్టల్లో ఈ దారుణం జరిగింది. మంగళవారం రాత్రి విద్యార్థినులు భోజనం ముగించుకుని గ్రౌండ్ ఫ్లోర్లోని తమ హాస్టల్ గదికి వెళ్లి నిద్రించారు. అర్ధరాత్రి సమయంలో గదిలోకి ప్రవేశించిన ఒక పాము.. గాఢ నిద్రలో ఉన్న నలుగురు విద్యార్థినులను వరుసగా కాటేసింది.
* ఒకరు మృతి.. ముగ్గురి పరిస్థితి విషమం..
బాలికల కేకలు విన్న హాస్టల్ సిబ్బంది వెంటనే అక్కడికి చేరుకుని, బాధితులను ఆసుపత్రికి తరలించారు. అయితే, అప్పటికే ఒక విద్యార్థిని పరిస్థితి విషమించి మరణించింది. మృతురాలిని స్నేహ పోలీస్ స్టేషన్ పరిధిలోని అలౌడి నవటోలి గ్రామానికి చెందిన ‘వర్ష ఒరాన్’గా గుర్తించారు. మిగిలిన ముగ్గురు విద్యార్థినులకు ప్రస్తుతం ఆసుపత్రిలో అత్యవసర చికిత్స అందిస్తున్నారు.
ఈ ఘటనపై కేసు నమోదు చేసుకున్న పోలీసులు.. హాస్టల్లో భద్రతా లోపాలు మరియు సరైన వసతులు లేకపోవడంపై విచారణ జరుపుతున్నారు. విద్యార్థిని మరణంతో స్థానికంగా తీవ్ర విషాద ఛాయలు అలముకున్నాయి.
About the Author
Please tell us what is wrong. Your report will be sent to the website team.
