mla Kaushik Reddy Ethics Committee Notice
* ఆగస్టు 29న విచారణ
అకేరు న్యూస్ హైదరాబాద్: హుజూరాబాద్ ఎమ్మెల్యే పాడి కౌశిక్ రెడ్డికి అసెంబ్లీ ఎథిక్స్ కమిటీ నోటీసులు జారీ చేసింది. ఫిరాయింపు ఎమ్మెల్యే, మాజీ మంత్రి కడియం శ్రీహరిపై కౌశిక్ రెడ్డి చేసిన వ్యాఖ్యలకు సంబంధించి వచ్చిన ఫిర్యాదుపై కమిటీ విచారణ చేపట్టనుంది.
ఈ నెల ఆగస్టు 29న ఉదయం 11 గంటలకు అసెంబ్లీ కమిటీ హాల్–1లో ఎథిక్స్ కమిటీ సమావేశం జరగనుంది. కౌశిక్ రెడ్డిపై వచ్చిన ఫిర్యాదులో పేర్కొన్న అంశాలను కమిటీ పరిశీలించనుంది.
ఇందులో భాగంగా ఆయన చేసిన వ్యాఖ్యలు, వాటి నేపథ్యం, ఫిర్యాదుదారుడు లేవనెత్తిన అభ్యంతరాలపై విచారణ జరిపే అవకాశం ఉంది.
విచారణకు హాజరై తన వివరణ ఇవ్వాలని కౌశిక్ రెడ్డికి కమిటీ నోటీసులు ఇచ్చినట్లు తెలుస్తోంది.
ఈ సమావేశంలో కౌశిక్ రెడ్డి వాదనను కూడా కమిటీ నమోదు చేసుకునే అవకాశం ఉంది. అనంతరం అందుబాటులో ఉన్న ఆధారాలు, ఇరుపక్షాల వాదనలను పరిశీలించి ఎథిక్స్ కమిటీ తదుపరి నిర్ణయం తీసుకోనుంది.
కాగా, కడియం శ్రీహరి పార్టీ మార్పు అంశం నేపథ్యంలో కౌశిక్ రెడ్డి గతంలో చేసిన వ్యాఖ్యలు రాజకీయంగా చర్చనీయాంశంగా మారాయి. ఇప్పుడు అదే వ్యవహారం అసెంబ్లీ ఎథిక్స్ కమిటీ విచారణకు రావడంతో ఈ సమావేశంపై రాజకీయ వర్గాల్లో ఆసక్తి నెలకొంది.
About the Author
Please tell us what is wrong. Your report will be sent to the website team.
