నారాయ‌ణ పేట జిల్లా, భూత‌గాదాల నేప‌థ్యంలో గువ్వ‌ల సంజ‌ప్ప‌ను దాయాదులు క‌ర్ర‌ల‌తో కొట్టి చంపేశారు.
* భూ త‌గాదాల నేప‌థ్యంలో హత్య
* నారాయ‌ణ‌పేట జిల్లాలో ఘోరం
ఆకేరు న్యూస్‌, నారాయ‌ణ‌పేట : కొట్టొద్ద‌ని ఓ మ‌హిళ వేడుకుంటున్నా.. చుట్టూ జ‌నం చూస్తున్నా.. ఓ వ్య‌క్తిని దాయాదులు క‌ర్ర‌ల‌తో కొట్టి.. కొట్టి.. చంపేశారు. భూత‌గాదాల నేప‌థ్యంలో ఈ హత్య జ‌రిగింది. నారాయ‌ణ పేట జిల్లా, ఉట్కూరు మండ‌లం, చిన్న‌పొర్ల గ్రామంలో గువ్వ‌ల సంజ‌ప్ప (28)కు, మ‌రో వ‌ర్గానికి కొంత కాలంగా భూ త‌గాదాలు ఉన్నాయి. ఈనేప‌థ్యంలోనే సంజ‌ప్ప‌ను ఇద్ద‌రు వ్య‌క్తులు పొలం వ‌ద్ద క‌ర్ర‌ల‌తో కొట్ట‌డం మొద‌లుపెట్టారు. అక్క‌డే ఉన్న ఓ మ‌హిళ కొట్టొద్ద‌ని వేడుకున్నా ఆగ‌లేదు. చాలామంది గుమిగూడి చూస్తున్నారు త‌ప్ప ఎవ‌రూ ఆప‌లేదు. క‌ర్ర‌ల‌తో చావ‌బాద‌డ‌డంతో తీవ్ర‌గాయాల‌పాలైన సంజ‌ప్ప‌ను మ‌హ‌బూబ్‌న‌గ‌ర్ జిల్లా ఆస్ప‌త్రికి త‌ర‌లించారు. చికిత్స పొందుతూ ఆస్ప‌త్రిలో సంజ‌ప్ప మృతి చెందాడు. పోలీసులు కేసు ద‌ర్యాప్తు చేస్తున్నారు.
———————-
