* కలెక్టర్లను ఆదేశించిన ముఖ్యమంత్రి రేవంత్‌ రెడ్డి
ఆకేరు న్యూస్‌, హైదరాబాద్‌: సరిహద్దు రాష్ట్రాల నుంచి ధాన్యం రాష్ట్రంలోకి రాకుండా కట్టుదిట్టమైన చర్యలు తీసుకోవాలని రాష్ట్ర ముఖ్యమంత్రి రేవంత్‌ రెడ్డి జిల్లా కలెక్టర్లను ఆదేశించారు. గురువారం సచివాలయం నుంచి జిల్లా కలెక్టర్లతో ముఖ్యమంత్రి రేవంత్‌ రెడ్డి వీడియో కాన్ఫరెన్స్‌ నిర్వహించారు. ఈ సందర్భంగా ముఖ్యమంత్రి ధాన్యం కొనుగొలు, డిఎస్సీ నియామకాలు అయిన రెండు అంశాలపై మాట్లాడారు. రాష్ట్ర వ్యాప్తంగా 7 వేల ఐకేపీ సెంటర్లు ఉన్నాయని, అవసరమైన చోట కొత్త ఐకేపీ సెంటర్లు ఏర్పాటు చేయాలని కలెక్టర్లకు సూచించారు. రైతుల నుండి సన్నవడ్ల కొనుగోలుకు ప్రత్యేక ఏర్పాట్లు చేయాలని, సన్నవడ్లకు 500 రూపాయల బోనస్‌ ఇవ్వడం జరుగుతుందని తెలిపురు. ఐకేపీ సెంటర్ల కి సీరియల్‌ నెంబర్లు ఇవ్వాలని.. సన్నవడ్లపై ఎలాంటి అవకతవకలు జరగకుండా చూడాలని సిఎం సూచించారు. గతంలో లాగా గోనె సంచుల కొరత రాకుండా.. ముందుగానే గోనె సంచులను అందుబాటులో ఉండేలా చర్యలు తీసుకోవాలన్నారు. ధాన్యం కొనుగోలు లో వ్యవసాయ అధికారులను ఇన్వాల్వ్‌ చేస్తూ ఎలాంటి సమస్యలు తలెత్తకుండా చూడాలన్నారు. కొనుగోలు చేసిన ధ్యానం వెంటనే తరలించేందుకు ఏర్పాట్లు చేయాలని, ఐకేపీ సెంటర్లలో ధాన్యం తడవకుండా జాగ్రత్త చర్యలు తీసుకోవాలన్నారు.
ప్రతి రోజు కలెక్టర్లు రెండు గంటలు ధాన్యం కొనుగోలు పైన సమీక్ష జరిపి, ఏవైనా సమస్యలుంటే ప్రభుత్వం దృష్టికి తీసుకురావాలన్నారు. కలెక్టరేట్‌లో ధాన్యం కొనుగోళ్ల పైన కాల్‌ సెంటర్‌ ఏర్పాటు చేసి సమస్యలను ఎప్పటికప్పుడు పరిష్కరించాలన్నారు. సరిహద్దు రాష్ట్రాల నుంచి ధాన్యం రాష్ట్రంలో కి రాకుండా కట్టుదిట్టమైన చర్యలు తీసుకోవాలని అన్నారు. కలెక్టర్లు క్షేత్రస్థాయి పర్యటన లు చేయాల్సిందేనని సిఎం స్పష్టం చేసారు. తాలు, తరుగు, తేమ పేరు తో రైతులను మోసం చేసేవారిని సహించవద్దని, అవసరమైతే వారి పై క్రిమినల్‌ కేసు లు పెట్టాలని అన్నారు. రాష్ట్రంలో వంద శాతం రైతులు సన్నబియ్యం పండిరచేలా చొరవ చూపించాలని, వాతావరణ శాఖ నుంచి వచ్చే సూచనల ప్రకారం ఐకేపీ సెంటర్లలో ఏర్పాట్లు చేయాలని రాష్ట్ర ముఖ్యమంత్రి తెలిపారు. డీఎస్సీకి ఎంపికైన అభ్యర్థుల సర్టిఫికెట్‌ వెరిపికేషన్‌ 5వ తేదీ లోగా పూర్తి చేసి, దసరా పండగ ముందే డిఎస్సీ నియామకాలు పూర్తి చేయాలని ముఖ్యమంత్రి తెలిపురు. అక్టోబర్‌ 9 నియామక పత్రాలను అభ్యర్థులకు అందజేయాలని అందుకు అవసరమైన చర్యలు తీసుకోవాలని కలెక్టర్లకు సూచించారు.
…………………………
