* హనుమకొండలో హోరెత్తిన ఆర్టీసీ నిరసన
* కార్మికుల అర్థనగ్న ప్రదర్శన
* ప్రైవేటీకరణ వద్దు – ఆర్టీసీని కాపాడండి
* హనుమకొండ బస్టాండ్లో కార్మికుల ధర్నా
ఆకేరు న్యూస్, హనుమకొండ: హనుమకొండ బస్టాండ్ వేదికగా టీజీఎస్ ఆర్టీసీ (TGSRTC) జేఏసీ (JAC) ఆధ్వర్యంలో కార్మికులు సోమవారం భారీ నిరసన చేపట్టారు. ప్రభుత్వ తీరును నిరసిస్తూ కార్మికులు అర్థనగ్న ప్రదర్శన నిర్వహించి తమ ఆవేదనను వ్యక్తం చేశారు.
ముఖ్యంగా, ఆర్టీసీలో ప్రైవేట్ ఎలక్ట్రిక్ బస్సులను ప్రవేశపెట్టడాన్ని వారు తీవ్రంగా వ్యతిరేకిస్తున్నారు. బస్టాండ్లలో ప్రైవేట్ వాహనాల అరాచకం పెరిగిపోతోందని, దీనివల్ల ప్రభుత్వ సంస్థ అయిన ఆర్టీసీకి మరియు కార్మికులకు తీవ్ర నష్టం వాటిల్లుతోందని వారు ఆరోపించారు.
కార్మికుల ప్రధాన డిమాండ్లు:
బస్టాండ్లలో ప్రైవేట్ ఎలక్ట్రిక్ బస్సుల అనుమతులను వెంటనే రద్దు చేయాలి. ప్రభుత్వమే నేరుగా ఎలక్ట్రిక్ బస్సులను కొనుగోలు చేసి, ఆర్టీసీ ద్వారానే నడపాలి.
ప్రైవేట్ వాహనాల వల్ల కార్మికుల ఉపాధికి వస్తున్న ముప్పును నివారించాలి. “ప్రైవేట్ వ్యక్తులకు లాభం చేకూర్చేలా ప్రభుత్వం నిర్ణయాలు తీసుకోవడం తగదు. ఆర్టీసీని బతికించుకోవడమే మా లక్ష్యం” అని జేఏసీ నాయకులు స్పష్టం చేశారు. ఈ సమస్యపై రాష్ట్ర ప్రభుత్వం తక్షణమే స్పందించి పరిష్కారం చూపాలని, లేనిపక్షంలో ఆందోళనలను మరింత ఉధృతం చేస్తామని హెచ్చరించారు. ఈ నిరసనలో పెద్ద సంఖ్యలో ఆర్టీసీ కార్మికులు, జేఏసీ నాయకులు పాల్గొన్నారు.
About the Author
Please tell us what is wrong. Your report will be sent to the website team.
