TS SSC RESULTS 2026 | మీసేవ కొత్త సేవ ప్రారంభం

aakerutelugunews April 29, 2026 1 minute read

* వాట్సాప్‌లోనే టెన్త్ రిజల్ట్స్! చెక్ చేసుకోండిలా..

* పదో తరగతి ఫలితాల కోసం కొత్త సర్వీస్..

ఆకేరు న్యూస్, హైదరాబాద్: పదో తరగతి ఫలితాల కోసం ఎదురుచూస్తున్న విద్యార్థులకు మరియు తల్లిదండ్రులకు తెలంగాణ ప్రభుత్వం ఒక సులభతరమైన మార్గాన్ని అందుబాటులోకి తెచ్చింది. సాధారణంగా ఫలితాలు విడుదలైన సమయంలో వెబ్‌సైట్లు మొరాయించడం లేదా సర్వర్ బిజీగా రావడం వంటి ఇబ్బందులు ఎదురవుతుంటాయి. వీటిని దృష్టిలో ఉంచుకుని, ‘మీసేవ వాట్సాప్ సర్వీస్’ ద్వారా ఫలితాలను తెలుసుకునే వెసులుబాటు కల్పించారు.

కేవలం ఒక స్మార్ట్‌ఫోన్ మరియు వాట్సాప్ ఉంటే చాలు, ఇంటి దగ్గరే ఉండి మీ ఫలితాలను స్కాన్ చేసిన మెమో రూపంలో పొందవచ్చు. ఇందుకోసం అధికారికంగా 80969 58096 నెంబర్‌ను ప్రభుత్వం కేటాయించింది.

* ఫలితాలను ఎలా చెక్ చేసుకోవాలి అంటే ..
ముందుగా మీ మొబైల్‌లో 80969 58096 నెంబర్‌ను ‘MeeSeva WhatsApp’ అని సేవ్ చేసుకోండి.
మెసేజ్ పంపండి: వాట్సాప్ ఓపెన్ చేసి, ఆ నెంబర్‌కు ‘Hi’ అని మెసేజ్ పంపాలి. వెంటనే మీకు కొన్ని ఆప్షన్లు కనిపిస్తాయి. అందులో ‘SSC Results’ అని టైప్ చేసి రిప్లై ఇవ్వాలి. మీ పదో తరగతి హాల్ టికెట్ నెంబర్ (Hall Ticket Number) మరియు అడిగితే పుట్టిన తేదీ (DOB) నమోదు చేయాలి. వివరాలు పంపిన వెంటనే మీ రిజల్ట్ మరియు మార్కుల వివరాలు మీ ఫోన్ స్క్రీన్ పై కనిపిస్తాయి.