Vijay TamilNadu CM Government
* తమిళనాడు రాజకీయాల్లో పెను సంచలనం
చెన్నై: తమిళనాడు రాజకీయ ముఖచిత్రం ఒక చారిత్రాత్మక మలుపుకు చేరుకుంది. తమిళగ వెట్రి కళగం (TVK) అధినేత, సినీ నటుడు విజయ్ రాజకీయ అరంగేట్రం చేసిన అతి తక్కువ కాలంలోనే అధికార పీఠాన్ని కైవసం చేసుకునే దిశగా అడుగులు వేస్తున్నారు. మ్యాజిక్ ఫిగర్కు అవసరమైన మద్దతు దాదాపు లభించడంతో, టీవీకే ప్రభుత్వం ఏర్పాటుకు మార్గం సుగమమైంది.
* మద్దతు లేఖలు అందజేసిన మిత్రపక్షాలు
టీవీకే ప్రభుత్వ ఏర్పాటుకు వామపక్షాలు మరియు జాతీయ పార్టీలు తమ మద్దతును ప్రకటిస్తున్నాయి. తాజాగా భారత కమ్యూనిస్ట్ పార్టీ (CPI) టీవీకేకు బేషరతు మద్దతు ప్రకటించడమే కాకుండా, ఆ మేరకు అధికారిక లేఖను కూడా విజయ్ బృందానికి అందజేసింది. ఇప్పటికే కాంగ్రెస్ పార్టీ తమ 5 మంది ఎమ్మెల్యేల మద్దతును టీవీకేకు తెలుపుతూ క్లియర్ సిగ్నల్ ఇచ్చింది. మరోవైపు, సీపీఎం (CPM) సైతం మరికొద్ది సేపట్లో తమ నిర్ణయాన్ని వెల్లడించనుంది. ఆ పార్టీ నుంచి కూడా సానుకూల స్పందన వస్తుందని రాజకీయ విశ్లేషకులు భావిస్తున్నారు.
* సంప్రదింపుల్లో టీవీకే వ్యూహకర్తలు
ప్రస్తుతం టీవీకే నేతలు డీఎండీకే (DMDK) మద్దతు కోసం ముమ్మరంగా ప్రయత్నిస్తున్నారు. ఒక్కో సీటు కూడా కీలకమైన ఈ తరుణంలో, అందరినీ కలుపుకొని పోయేలా విజయ్ వ్యూహరచన చేస్తున్నారు. విదుతలై చిరుతైగల్ కట్చి (VCK) కూడా టీవీకే వైపు
మొగ్గు చూపుతుండటంతో అసెంబ్లీలో బలనిరూపణ ఇక లాంఛనమే అని తెలుస్తోంది. తమిళనాడు శాసనసభలో ప్రభుత్వం ఏర్పాటు చేయడానికి అవసరమైన సంఖ్యా బలం 117. ప్రస్తుత లెక్కలను పరిశీలిస్తే టీవీకే కూటమి ఆ మార్కును సునాయాసంగా దాటేలా కనిపిస్తోంది.
* కొత్త శకం మొదలవ్వబోతోందా?
సినీ గ్లామర్తో పాటు ప్రజా సమస్యలపై స్పష్టమైన అజెండాతో ముందుకు వెళ్తున్న విజయ్, ఇప్పుడు అందరినీ కలుపుకుని పటిష్టమైన ప్రభుత్వాన్ని ఏర్పాటు చేయబోతున్నారు. మిత్రపక్షాల మద్దతుతో టీవీకే బలం 119 కి చేరుకోవడంతో, తమిళనాడులో ద్రవిడ రాజకీయాల మధ్య ఒక కొత్త శకం ప్రారంభం కాబోతోందని విశ్లేషకులు అంచనా వేస్తున్నారు.
మరికొద్ది గంటల్లోనే రాజ్భవన్లో రాజకీయ సందడి పెరగనుంది. విజయ్ ముఖ్యమంత్రిగా ప్రమాణ స్వీకారం చేసే ముహూర్తం ఎప్పుడనేది ఇప్పుడు రాష్ట్రవ్యాప్తంగా ఉత్కంఠ రేపుతోంది.
About the Author
Please tell us what is wrong. Your report will be sent to the website team.
