PM Narendra Modi, India Space Station
* పారిస్లో తొలి అంతర్జాతీయ అంతరిక్ష సదస్సు
* సొంత స్పేస్ స్టేషన్ ఏర్పాటు: ప్రధాని మోదీ
ఆకేరు న్యూస్,పారిస్: పారిస్లో తొలి అంతర్జాతీయ అంతరిక్ష సదస్సు ప్రారంభమైంది. ఈ సందర్భంగా నిర్వహించిన స్పేస్ సమ్మిట్లో ప్రధాని నరేంద్ర మోదీ వర్చువల్గా ప్రసంగించారు. అంతరిక్ష రంగంలో ప్రపంచ దేశాల మధ్య సహకారం, చర్చలు మరింత బలోపేతం కావాల్సిన అవసరం ఉందని ఆయన స్పష్టం చేశారు. అంతరిక్ష రంగంలో స్వల్పకాలిక లాభాల కోసం కాకుండా దీర్ఘకాలిక స్థిరత్వం, స్థిరమైన అభివృద్ధికి ప్రాధాన్యం ఇవ్వాలని ప్రధాని మోదీ సూచించారు.
* దూసుకెళ్తున్న ప్రైవేట్ స్పేస్ రంగం
ప్రపంచవ్యాప్తంగా ప్రైవేట్ రంగం అంతరిక్ష పరిశోధనలు, ఉపగ్రహాలు, ప్రయోగ వాహనాలు తదితర రంగాల్లో వేగంగా అడుగులు వేస్తోందని మోదీ తెలిపారు. ప్రైవేట్ సంస్థల భాగస్వామ్యం అంతరిక్ష రంగ అభివృద్ధికి మరింత ఊతమిస్తుందని పేర్కొన్నారు. భారత్లోనూ ప్రైవేట్ స్పేస్ సెక్టార్కు ప్రోత్సాహం అందిస్తున్నామని ప్రధాని తెలిపారు. కొత్త ఆవిష్కరణలు, సాంకేతిక అభివృద్ధికి అనుకూలమైన వాతావరణాన్ని కల్పించాల్సిన అవసరం ఉందన్నారు.
* భారత్ సొంత స్పేస్ స్టేషన్
అంతరిక్ష రంగంలో భారత్ తన లక్ష్యాలను మరింత విస్తరిస్తోందని మోదీ పేర్కొన్నారు. భవిష్యత్లో భారత్ సొంత స్పేస్ స్టేషన్ను ఏర్పాటు చేయబోతోందని తెలిపారు. అంతరిక్ష పరిశోధనల్లో భారత్ మరింత కీలక పాత్ర పోషించేందుకు సిద్ధమవుతోందని ఆయన స్పష్టం చేశారు. శతాబ్దాలుగా అంతరిక్షం మానవాళికి ఒక కలగా ఉందని ప్రధాని మోదీ గుర్తుచేశారు. ఆ కలను సాకారం చేసుకునే క్రమంలో ప్రపంచ దేశాల మధ్య పోటీతో పాటు సహకారం కూడా అవసరమని పేర్కొన్నారు.
అంతరిక్షాన్ని శాంతియుత ప్రయోజనాల కోసం వినియోగిస్తూ, భవిష్యత్ తరాలకు ఉపయోగపడేలా స్థిరమైన విధానాలను అవలంబించాలని మోదీ పిలుపునిచ్చారు. అంతరిక్ష రంగంలో ప్రపంచ దేశాల మధ్య చర్చలు, సహకారమే ముందుకు వెళ్లేందుకు కీలకమని మోదీ స్పష్టం చేశారు.
About the Author
Please tell us what is wrong. Your report will be sent to the website team.
