Harish Rao Water Row
* చేతకాని పాలన తెచ్చిన కరువు
* ఖమ్మం రైతులు సాగునీటి కోసం అల్లాడుతున్నారు
ఆకేరు న్యూస్, హైదరాబాద్: తెలంగాణలో సాగునీటి నిర్వహణ, కృష్ణా జలాల వినియోగంపై మాజీ మంత్రి, బీఆర్ఎస్ ముఖ్యాధికారి తనీరు హరీశ్రావు కాంగ్రెస్ ప్రభుత్వంపై, ముఖ్యమంత్రి ఎ. రేవంత్రెడ్డిపై తీవ్రస్థాయిలో ధ్వజమెత్తారు. ప్రస్తుతం రాష్ట్రంలో కనిపిస్తున్నది కాలం తెచ్చిన ప్రకృతి కరువు కాదని, రేవంత్ రెడ్డి ప్రభుత్వ చేతకాని పాలన తెచ్చిపెట్టిన కరువు మాత్రమేనని ఆయన ఘాటుగా వ్యాఖ్యానించారు.
దేశవ్యాప్తంగా ఎల్నినో (El Niño) ప్రభావం కారణంగా వర్షాభావ పరిస్థితులు నెలకొన్న ఈ తరుణంలో ప్రతి నీటి చుక్కను ఎంతో విలువగా ఒడిసిపట్టుకోవాల్సిన బాధ్యత ప్రభుత్వంపై ఉందన్నారు. ఒకవైపు తెలంగాణలో పంట పొలాలు నీళ్లు లేక ఎండిపోతుంటే, మరోవైపు తెలంగాణకు దక్కాల్సిన కృష్ణా జలాలను యథేచ్ఛగా ఆంధ్రప్రదేశ్కు వదిలేస్తున్నారని ఆరోపించారు.
“ఆంధ్రప్రదేశ్కు నీళ్లు ఫుల్.. తెలంగాణకు మాత్రం నీళ్లు నిల్” అనే పరిస్థితిని కాంగ్రెస్ సర్కార్ తీసుకొచ్చిందని ఎద్దేవా చేశారు. ఏపీ ముఖ్యమంత్రి చంద్రబాబు నాయుడికి రేవంత్ రెడ్డి ఏమైనా గురుదక్షిణ చెల్లించుకుంటున్నారా? అని సూటిగా ప్రశ్నించారు. ఉమ్మడి మహబూబ్నగర్, నల్గొండ, ఖమ్మం జిల్లాల రైతులు పంటలను కాపాడుకోవడానికి సాగునీటి కోసం అల్లాడుతున్నారని ఆవేదన వ్యక్తం చేశారు.
ఈ సందర్భంగా ప్రభుత్వంపై నేరుగా సవాలు విసిరిన హరీశ్రావు.. “నేను ఛాలెంజ్ చేస్తున్నా.. సీఎం రేవంత్ రెడ్డి వస్తారా? లేక నీటిపారుదల శాఖ మంత్రి ఉత్తమ్ కుమార్ రెడ్డి వస్తారా? చర్చకు సిద్ధమా?” అని ప్రశ్నించారు. కల్వకుర్తి ఎత్తిపోతల పథకంలో మూడు మోటార్లను ఎందుకు బంద్ పెట్టారో ప్రభుత్వం సమాధానం చెప్పాలని డిమాండ్ చేశారు. కళ్లముందే కృష్ణా జలాలు ప్రవహిస్తున్నప్పటికీ, వాటిని ఆయకట్టుకు అందించలేని దౌర్భాగ్య పాలన రాష్ట్రంలో సాగుతోందని తీవ్రస్థాయిలో మండిపడ్డారు.
About the Author
Please tell us what is wrong. Your report will be sent to the website team.
