Virat Kohli| వెస్టిండీస్‌పై విరాట్ విశ్వరూపం..

Published: 27 Sep 2026 • 09:23 PM

* సెంచరీతో చెలరేగిన కింగ్

ఆకేరు న్యూస్, డెస్క్: టీమిండియా స్టార్ బ్యాటర్ విరాట్ కోహ్లీ మరోసారి తన బ్యాట్ పవర్ చూపించాడు. వెస్టిండీస్‌తో జరుగుతున్న తొలి వన్డేలో అద్భుతమైన బ్యాటింగ్‌తో శతకం పూర్తి చేశాడు. కీలక సమయంలో క్రీజులో నిలిచిన కోహ్లీ బౌండరీలతో విరుచుకుపడుతూ సెంచరీ మార్క్‌ను అందుకున్నాడు.

వెస్టిండీస్ నిర్దేశించిన భారీ లక్ష్యాన్ని ఛేదించే క్రమంలో కోహ్లీ ఇన్నింగ్స్ భారత్‌కు ఎంతో కీలకంగా మారింది. తన అనుభవాన్ని ఉపయోగించుకుంటూ ఆచితూచి ఆడిన కోహ్లీ.. ఆ తర్వాత దూకుడు పెంచి శతకాన్ని పూర్తి చేశాడు.

ఇప్పటికే వన్డే క్రికెట్‌లో ఎన్నో రికార్డులు సృష్టించిన కోహ్లీ ఖాతాలో మరో సెంచరీ చేరింది. వెస్టిండీస్‌పై అతడికి ఉన్న అద్భుతమైన రికార్డుకు ఈ శతకం మరింత బలం చేకూర్చింది.