Golden Bhagyam
* గ్లింప్స్ అదిరిపోయేలా!
ఆకేరు న్యూస్, సినిమా డెస్క్ : ‘రంగబలి’ చిత్రంతో ఎంటర్టైనర్గా ఆకట్టుకున్న దర్శకుడు పవన్ బాసంశెట్టి మరో ఆసక్తికరమైన చిత్రంతో ప్రేక్షకుల ముందుకు రాబోతున్నారు.
నాగార్జున రెడ్డి నిర్మాణంలో పవన్ బాసంశెట్టి తెరకెక్కిస్తున్న ఈ చిత్రాన్ని డ్రీమ్ మూవీ మేకర్స్, నయవాయు చిత్రాలు బ్యానర్లపై రూపొందిస్తున్నారు. తాజాగా ఈ సినిమాకు ‘గోల్డెన్ భాగ్యం’ అనే టైటిల్ను ఖరారు చేస్తూ గ్లింప్స్ను విడుదల చేశారు.
* భోజనంతో మొదలైన సరదా గొడవ..
గ్లింప్స్ ఓ సరదా సంభాషణతో మొదలవుతుంది. ఓ తెలుగు వ్యక్తి బిర్యానీ, కూల్డ్రింక్ను ఆస్వాదిస్తూ ఉంటే.. మరోవైపు ఓ తమిళ వ్యక్తి ఇడ్లీ, సాంబార్తో కనిపిస్తాడు.
తమ ఆహారమే గొప్పదంటూ ఇద్దరూ వాదించుకుంటుండగా.. మూడో వ్యక్తి జోక్యం చేసుకుని అసలు ఆసక్తికరమైన కాంబినేషన్ను పరిచయం చేస్తాడు. అదే సత్య–యోగిబాబు కాంబినేషన్.
* భాషలే కామెడీకి బలం..
సత్య, యోగిబాబు సంప్రదాయ తెల్లటి దుస్తుల్లో కనిపించగా.. ఈ సినిమా ప్రేమ, నేరం, యాక్షన్తో కూడిన కథ అని దర్శకుడు సరదాగా వివరిస్తాడు. అనంతరం ‘గోల్డెన్ భాగ్యం’ టైటిల్ను రివీల్ చేశారు. ఈ చిత్రంలో భాషలతో దర్శకుడు ఆసక్తికరమైన ప్రయోగం చేసినట్లు గ్లింప్స్ చూస్తే తెలుస్తోంది.
తెలుగు నటుడు సత్య తమిళంలో మాట్లాడటం, తమిళ సినీ పరిశ్రమలో ప్రముఖ కమెడియన్గా గుర్తింపు పొందిన యోగిబాబు తెలుగులో మాట్లాడటం సినిమాకు ప్రధాన హాస్యాంశంగా నిలిచేలా కనిపిస్తోంది.
* ‘టెలుమిల్’ కామెడీ టానిక్..
తొలుత సంక్రాంతి కానుకగా సినిమాను విడుదల చేయనున్నట్లు ప్రకటించిన మేకర్స్.. ఆ తర్వాత విడుదలను పండుగ సీజన్ దాటి ఏడాదిలోనే ఉంటుందని పేర్కొన్నారు.
తెలుగు, తమిళ భాషల కలయికతో రూపొందుతున్న ఈ ‘టెలుమిల్’ కామెడీ టానిక్లో జయశ్రీ, అధిరాజ్ కథానాయికలుగా నటిస్తున్నారు. బబ్లూ అజు సినిమాటోగ్రఫీ అందిస్తుండగా.. పవన్ సీహెచ్ సంగీతం సమకూరుస్తున్నారు.
About the Author
Please tell us what is wrong. Your report will be sent to the website team.
