AP BC Reservation| బీసీ రిజ‌ర్వేష‌న్ల‌పై ఏపీ కీల‌క నిర్ణ‌యం

Published: 10 Oct 2026 • 03:48 PM

* డెడికేటెడ్ కమీషన్ ప్ర‌కారం ఖ‌రారు
* ఏపీ మంత్రివ‌ర్గం ఆమోదం

AP BC Reservation| ఆకేరు న్యూస్, అమరావతి: ఆంధ్రప్రదేశ్‌లో స్థానిక సంస్థల ఎన్నికల్లో బీసీ రిజర్వేషన్లకు సంబంధించి రాష్ట్ర ప్రభుత్వం కీలక నిర్ణయం తీసుకున్నట్లు సమాచారం. రాజీవ్ రంజన్ మిశ్రా నేతృత్వంలోని డెడికేటెడ్ కమిషన్ సమర్పించిన నివేదిక ఆధారంగా బీసీలకు కేటాయించే రిజర్వేషన్ల శాతాలను ఖరారు చేస్తూ ఏపీ మంత్రివర్గం ఆమోదం తెలిపినట్లు వెల్లడైంది. స్థానిక సంస్థల్లో బీసీ సామాజిక వర్గాలకు తగిన రాజకీయ ప్రాతినిధ్యం కల్పించడం ఈ నిర్ణయం లక్ష్యంగా పేర్కొంటున్నారు.

8 కేట‌గిరీలుగా..

తాజా నిర్ణయంలో భాగంగా స్థానిక సంస్థ ప్రజాప్రతినిధుల పదవులను ప్రభుత్వం మొత్తం 8 వేర్వేరు కేటగిరీలుగా విభజించింది. గ్రామ పంచాయతీ స్థాయిలో వార్డు మెంబర్, సర్పంచ్, ఎంపీటీసీలు ఒక కేటగిరీగా; మండల మరియు జిల్లా పరిషత్ స్థాయిలో ఎంపీపీ, జడ్పీటీసీ, జడ్పీ చైర్‌పర్సన్‌లు మరో కేటగిరీగా, పట్టణ స్థానిక సంస్థల్లో మున్సిపల్ వార్డు మెంబర్, మున్సిపల్ చైర్‌పర్సన్, మేయర్ పదవులను వేర్వేరు కేటగిరీలుగా వర్గీకరించి ఈ రిజర్వేషన్లను కేటాయించారు.

రిజ‌ర్వేష‌న్లు ఇలా..

గ్రామ పంచాయతీ వార్డు మెంబర్లు: 26.73%
గ్రామ సర్పంచ్‌లు: 27.95%
ఎంపీటీసీ స్థానాలు: 25.55%
ఎంపీపీ అధ్యక్ష పదవులు: 24.60%
జడ్పీటీసీ స్థానాలు: 24.60%
జడ్పీ చైర్‌పర్సన్ పదవులు: 23.08%

పట్టణ స్థానిక సంస్థల్లో ఇలా..

అర్బన్ (మున్సిపల్/కార్పొరేషన్) వార్డులు: 32.78%
మున్సిపల్ చైర్‌పర్సన్ పదవులు: 33.02%
కార్పొరేషన్ మేయర్ పదవులు: 35.29%

కమిషన్ అందించిన శాస్త్రీయ డేటా, జనాభా ప్రాతిపదిక ఆధారంగా ప్రతీ కేటగిరీకి పక్కాగా శాతాలను ఖరారు చేశామని ప్రభుత్వం వెల్లడించింది. దీని ద్వారా స్థానిక స్వపరిపాలనలో బీసీలకు చట్టబద్ధంగా రాజకీయ భాగస్వామ్యం దక్కనుందని, త్వరలోనే ఎన్నికల నోటిఫికేషన్‌కు మార్గం సుగమం కానుందని స్పష్టం చేసింది.