No Garbage Awareness
* రోడ్డుపై చెత్త వేస్తే జరిమానా విధింపు
* 1000 ఫీట్ రోడ్డుపై వినూత్న అవగాహన కార్యక్రమం
ఆకేరు న్యూస్, హనుమకొండ : రోడ్లపై చెత్త వేయకుండా ప్రజల్లో అవగాహన కల్పించేందుకు పారిశుద్ధ్య మహిళా కార్మికులు వినూత్న కార్యక్రమం చేపట్టారు. హండ్రెడ్ ఫీట్ రోడ్డుపై అందమైన ముగ్గు వేసి, పరిసరాలను పరిశుభ్రంగా ఉంచుకోవాలనే సందేశాన్ని ప్రజలకు తెలియజేశారు.
“ఇక్కడ చెత్త వేయరాదు.. చెత్త వేస్తే జరిమానా విధించబడుతుంది” అనే సందేశంతో రోడ్డుపై ముగ్గు వేశారు. సాధారణంగా పారిశుద్ధ్య పనులు నిర్వహించే కార్మికులు ఈసారి ప్రజల్లో బాధ్యతను పెంపొందించేలా ప్రత్యేక కార్యక్రమం చేపట్టడం స్థానికుల దృష్టిని ఆకర్షించింది.
* మహిళా కార్మికుల వినూత్న ప్రచారం..
ఈ సందర్భంగా కాలనీవాసులు, ఓనర్లు, అద్దెకు ఉంటున్న వారు, వ్యాపారులు ప్రతి ఒక్కరూ పారిశుద్ధ్యంపై బాధ్యతగా వ్యవహరించాలని విజ్ఞప్తి చేశారు. రోడ్లపై, డ్రైనేజీల్లో, ఖాళీ స్థలాల్లో చెత్త వేయకుండా నిర్దేశించిన ప్రాంతాల్లోనే పారవేయాలని కోరారు. పారిశుద్ధ్య మహిళా కార్మికుల చొరవను స్థానికులు అభినందిస్తున్నారు.
ఇలాంటి చిన్న ప్రయత్నాల ద్వారా ప్రజల్లో మార్పు వస్తుందని, పరిసరాల పరిశుభ్రతపై అవగాహన పెరుగుతుందని ఆశాభావం వ్యక్తం చేస్తున్నారు. పరిశుభ్రమైన పరిసరాలు.. ఆరోగ్యకరమైన సమాజం. మన చుట్టూ ఉన్న ప్రాంతాలను శుభ్రంగా ఉంచుకోవడం ఒక్కరి బాధ్యత కాదు.. అందరి బాధ్యత అనే సందేశాన్ని ఈ కార్యక్రమం చాటిచెప్పింది.
About the Author
Please tell us what is wrong. Your report will be sent to the website team.
