రామయాణం మూవీ పోస్టర్, ప్రొడ్యూసర్ దిల్‌ రాజు
* ‘రామాయణం’కు రూ.1,000 కోట్లు..
* ‘సీన్‌’తో సూర్య కెరీర్‌లోనే అత్యధిక ఆదాయం
* తెలుగు రాష్ట్రాల్లో విడుదల చేయడం ఆనందంగా ఉంది..
* ఈ విజయాలు మాకు డబుల్‌ ఎనర్జీ ఇచ్చాయి : నిర్మాత దిల్‌ రాజు
ఆకేరు న్యూస్‌, సినిమా : ప్రముఖ నిర్మాత దిల్‌ రాజుకు తాజాగా రెండు సినిమాల విజయాలు మరింత ఉత్సాహాన్ని ఇచ్చాయి. నితేశ్‌ తివారీ దర్శకత్వంలో తెరకెక్కిన ‘రామాయణం (Ramayana Movie)’ ప్రపంచవ్యాప్తంగా రూ.1,000 కోట్ల వసూళ్లు సాధించి కొత్త బెంచ్‌మార్క్‌ సృష్టించిందని ఆయన వెల్లడించారు.
మరోవైపు హీరో సూర్య (Hero Surya), దర్శకుడు జీతూ మాధవన్‌ కలయికలో వచ్చిన ‘సీన్‌’ కూడా మంచి విజయాన్ని అందుకుందని తెలిపారు. ఈ రెండు చిత్రాలను తెలుగు రాష్ట్రాల్లో విడుదల చేసిన సందర్భంగా నిర్వహించిన సక్సెస్‌ ప్రెస్‌మీట్‌లో దిల్‌ రాజు పలు ఆసక్తికర విషయాలను పంచుకున్నారు.
* ‘రామాయణం’ విజయం ఎంతో ఆనందాన్నిచ్చింది..
దిల్‌ రాజు మాట్లాడుతూ.. “‘రామాయణం (Ramayana Movie)’ ప్రపంచవ్యాప్తంగా వెయ్యి కోట్ల కలెక్షన్లు సాధించి ఒక ట్రెండ్‌ సెట్‌ చేసింది. ఇంత అద్భుతమైన విజయం అందుకోవడం, ఆ సినిమాను తెలుగు రాష్ట్రాల్లో విడుదల చేయడం చాలా ఆనందంగా ఉంది. ప్రతి సక్సెస్‌ మనకు కొత్త ఎనర్జీని ఇస్తుంది. విజయాల నుంచి మనం నేర్చుకోవాలి. వాటి నుంచి ఉత్సాహాన్ని పొందాలి. అదే నా ఫార్ములా.
* యశ్‌ కు ప్రత్యేక థాంక్స్‌.
నిర్మాత నమిత్‌ మల్హోత్రా గారికి ధన్యవాదాలు. అలాగే యశ్‌ గారికి ప్రత్యేకంగా థాంక్స్‌. ఆయన ‘రాజుగారు అంటే మా ఫ్యామిలీ’ అని చెబుతుంటారు. మా ద్వారా ‘రామాయణం’ను విడుదల చేయించడం మాకు చాలా ఆనందంగా ఉంది.
రణ్‌బీర్‌ కపూర్‌, సాయి పల్లవితో పాటు అందరూ అద్భుతంగా నటించారు. సినిమా కోసం ఎంతో కష్టపడ్డారు. ‘రామాయణం’ కేవలం ఒక సినిమా మాత్రమే కాదు. అందులోని ఇతివృత్తం మన తరతరాలకు అర్థమయ్యేలా ఉంటుంది.
సినిమా విడుదలకు రెండు రోజుల ముందు నేను, శిరీష్‌ కలిసి ముంబైలో చూశాం. అప్పుడు కలిగిన అనుభూతి మాటల్లో చెప్పలేనిది. ఆ అనుభూతిని సెల్ఫీ తీసుకుని మీతో పంచుకున్నాను. ఇప్పుడు ప్రపంచవ్యాప్తంగా సినిమా చూస్తున్న ప్రేక్షకులకు కూడా అదే అనుభూతి కలుగుతోంది.
మన అంచనా సరైనప్పుడు చాలా ఆనందంగా ఉంటుంది. ఇంత గొప్ప విజయాన్ని అందించిన ప్రేక్షకులందరికీ ధన్యవాదాలు” అని అన్నారు.
* సూర్య కెరీర్‌లోనే అత్యధిక రెవెన్యూ సాధించనుంది..
‘సీన్‌’ సినిమా విజయంపై మాట్లాడుతూ.. “ఆరో తేదీన విడుదలైన ‘సీన్‌’ విజయం కూడా మాకు మరింత ఆనందాన్ని ఇచ్చింది. తిరుపతి ప్రసాద్‌ గారు తెలుగు రాష్ట్రాల హక్కులు తీసుకుని, మా ద్వారా నైజాంలో విడుదల చేయించినందుకు ఆయనకు ధన్యవాదాలు. మా బ్యానర్‌ ప్రారంభమైనప్పటి నుంచి ప్రసాద్‌ గారు మాకు ఎంతో సహకరిస్తున్నారు.
మేము ఈ స్థాయికి రావడంలో ఆయన కూడా ముఖ్యమైన వ్యక్తి. ఆయన ఈ సినిమాను మా దగ్గరకు తీసుకురావడం మా అదృష్టం. ‘సీన్‌’ సినిమా చూస్తున్నప్పుడు థియేటర్‌లో కొత్త అనుభూతి కలిగింది.
ప్రేక్షకుల నుంచి వస్తున్న స్పందన మైండ్‌ బ్లోయింగ్‌గా ఉంది. ప్రతి పది నిమిషాలకు ఆడిటోరియంలో విజిల్స్‌ పడుతున్నాయి. జీతూ మాధవన్‌ రూపొందించిన స్క్రీన్‌ప్లే అద్భుతంగా వర్కౌట్‌ అయింది.
సూర్య గారి నటనను ప్రేక్షకులు బాగా ఆస్వాదిస్తున్నారు. ఈ సినిమా ఆయన కెరీర్‌లోనే అత్యధిక రెవెన్యూ సాధించబోతోంది. ఈ చిత్రంతో సూర్య హ్యాట్రిక్‌ బ్లాక్‌బస్టర్‌ విజయాలు అందుకున్నారు” అని తెలిపారు.
* భారీ బడ్జెట్‌ ఒక్కటే విజయానికి కొలమానం కాదు..
‘సీన్‌’ సినిమా నుంచి తాను నేర్చుకున్న విషయాలను కూడా దిల్‌ రాజు పంచుకున్నారు. “ఒక మంచి కథ రాసుకుని, కాంపాక్ట్‌గా సినిమా తీసి కూడా విజయం సాధించవచ్చని ‘సీన్‌’ సినిమా ద్వారా తెలుసుకున్నాం. ప్రేక్షకులను ఎంగేజ్‌ చేయడానికి భారీ బడ్జెట్‌ సినిమాలే అవసరం లేదు. మంచి కథతో కూడా వారిని ఎలా అలరించవచ్చో ఈ సినిమా మాకు నేర్పించింది.
నాకు ఇండస్ట్రీలో 30 ఏళ్ల అనుభవం ఉంది. విజయాలు చూశాం, అపజయాలు చూశాం. ఫెయిల్యూర్స్‌ వచ్చినప్పుడు కుంగిపోను. సక్సెస్‌ వచ్చినప్పుడు పొంగిపోను. ఎప్పుడూ బ్యాలెన్స్‌డ్‌గా ఉంటాను. ఇండస్ట్రీలో ఉన్నన్ని రోజులు మంచి సినిమాలు చేయడానికి ప్రయత్నిస్తాను. ఈ రెండు సినిమాల విజయాలు మాకు ఎంతో ఆనందాన్ని ఇచ్చాయి. డబుల్‌ ఎనర్జీని అందించాయి” అని దిల్‌ రాజు పేర్కొన్నారు.
* సినిమాల విజయంతో చిత్రబృందాల్లో ఆనందం..
నితేశ్‌ తివారీ దర్శకత్వంలో నమిత్‌ మల్హోత్రా నిర్మించిన ‘రామాయణం’లో రణ్‌బీర్‌ కపూర్‌, యశ్‌, సాయి పల్లవి ప్రధాన పాత్రల్లో నటించారు. గ్రాండ్‌ విజువల్స్‌, నటీనటుల ప్రదర్శన, సాంకేతిక విలువలతో ఈ చిత్రం ప్రేక్షకుల దృష్టిని ఆకర్షిస్తోంది.
మరోవైపు సూర్య, జ్యోతిక నిర్మాణంలో జీతూ మాధవన్‌ దర్శకత్వం వహించిన ‘సీన్‌’ యాక్షన్‌ కామెడీ ఎంటర్‌టైనర్‌గా ప్రేక్షకుల ముందుకు వచ్చింది. ఈ రెండు చిత్రాలకు తెలుగు రాష్ట్రాల్లో లభిస్తున్న ఆదరణపై దిల్‌ రాజు సంతోషం వ్యక్తం చేశారు.
About the Author
Please tell us what is wrong. Your report will be sent to the website team.
