* గాంధీభ‌వ‌న్‌కు నేత‌ల క్యూ
ఆకేరు న్యూస్‌, హైద‌రాబాద్ : టీపీసీసీ చీఫ్(Tpcc Chief) మ‌హేష్‌కుమార్ గౌడ్ పార్టీ బ‌లోపేతానికి త‌న‌దైన శైలిలో ముందుకెళ్తున్నారు. పార్టీని ప్ర‌జ‌ల‌కు, కార్య‌క‌ర్త‌ల‌కు చేరువ చేసేందుకు ప్ర‌ణాళిక‌లు ర‌చిస్తున్నారు. ఇప్ప‌టికే మంత్రులు అందుబాటులో ఉండేలా కార్య‌క్ర‌మాలు నిర్వ‌హిస్తున్నారు. ఇక రేప‌టి నుంచి గాంధీభ‌వ‌న్‌(GandhBhavan)లో వ‌రుస స‌మీక్ష‌ల‌కు సిద్ధ‌మ‌వుతున్నారు. ఈ సమావేశాలకు ఏఐసీసీ ఇన్‌చార్జ్ దీపాదాస్ మున్షీ, ఏఐసీసీ కార్యదర్శులు, విష్ణునాథ్, విశ్వనాథం హాజరుకానున్నారు. రేపు ఉదయం 11 గంటల నుంచి మధ్యాహ్నం 2 గంటల వరకు మెదక్ జిల్లా కాంగ్రెస్ మీటింగ్ జరగనుంది. ఈ సందర్భంగా మంత్రులతో ముఖాముఖి కార్యక్రమంలో భాగంగా పంచాయతీ రాజ్ శాఖ మంత్రి సీతక్క(Minister Seethakka) పాల్గొన‌నున్నారు. ఎల్లుండి మధ్యాహ్నం 3 గంటల నుంచి సాయంత్రం 6 గంటల వరకు ఆదిలాబాద్ జిల్లా కాంగ్రెస్ పార్టీ సమావేశం నిర్వహించనున్నారు. ఆ తర్వాతి రోజైన 16వ తేదీ మధ్యాహ్నం 3 గంటల నుంచి కాంగ్రెస్ పార్టీ అనుబంధ సంఘాల అధ్యక్షులు, ఛైర్మన్‌ల సమావేశం జరగనుంది.
……………………………..
