ఆకేరు న్యూస్, డెస్క్ : మహారాష్ట్ర రాజకీయ ధృవతార, ఎన్సీపీ (అజిత్ పవార్ వర్గం) అధినేత అజిత్ పవార్ బుధవారం ఉదయం జరిగిన ఘోర విమాన ప్రమాదంలో మృతి చెందారు. ముంబై నుంచి తన స్వగ్రామమైన బారామతికి ప్రయాణిస్తున్న చార్టర్డ్ విమానం (Learjet 45), ఉదయం 8:45 గంటల సమయంలో బారామతి విమానాశ్రయంలో ల్యాండ్ అవుతుండగా ప్రమాదానికి గురైంది. రన్వేపైకి దిగుతున్న సమయంలో సాంకేతిక లోపం తలెత్తి విమానం అదుపు తప్పి పక్కకు దూసుకెళ్లింది. వెంటనే విమానంలో మంటలు చెలరేగడంతో లోపల ఉన్నవారు బయటకు వచ్చే అవకాశం లేకపోయింది.
ఆయనతో పాటు :
ఈ ప్రమాదంలో అజిత్ పవార్తో పాటు మరో ఐదుగురు మరణించారు.
* ఆయన వ్యక్తిగత భద్రతా అధికారి (PSO)
* ఒక అటెండెంట్
* విమాన పైలట్ మరియు కో-పైలట్
బారామతిలో జరగాల్సిన జిల్లా పరిషత్ ఎన్నికల ప్రచార సభల్లో పాల్గొనేందుకు ఆయన వెళ్తుండగా ఈ విషాదం చోటుచేసుకుంది.
ఆరు సార్లు ఉప ముఖ్యమంత్రి:
1959, జూలై 22న అహ్మద్నగర్ జిల్లాలో జన్మించారు. ఆయన ఎన్సీపీ వ్యవస్థాపకుడు శరద్ పవార్ అన్నయ్య కుమారుడు.
* రాజకీయ ఆరంగేట్రం: 1982లో ఒక సహకార చక్కెర కర్మాగారం బోర్డు సభ్యునిగా తన ప్రస్థానాన్ని ప్రారంభించారు. 1991లో పుణె జిల్లా సహకార బ్యాంక్ ఛైర్మన్గా ఎదిగారు.
* మహారాష్ట్ర చరిత్రలో అత్యధికంగా 6 సార్లు ఉప ముఖ్యమంత్రిగా పనిచేసిన ఏకైక నాయకుడు అజిత్ పవార్. పృథ్వీరాజ్ చవాన్, దేవేంద్ర ఫడ్నవీస్, ఉద్ధవ్ థాకరే మరియు ఏక్ నాథ్ షిండే ప్రభుత్వాల్లో ఆయన డిప్యూటీ సీఎంగా బాధ్యతలు నిర్వర్తించారు.
బారామతి అసెంబ్లీ నియోజకవర్గం నుంచి వరుసగా ఏడుసార్లు విజయం సాధించి, ఆ ప్రాంతాన్ని అభివృద్ధి పథంలో నడిపిన నాయకుడిగా ఆయనకు పేరుంది. ఆయనను అనుచరులు మరియు ప్రజలు సాదరంగా ‘దాదా’ అని పిలుచుకుంటారు.
……………………………………….
About the Author
Please tell us what is wrong. Your report will be sent to the website team.
