CM Chandrababu Naidu | సంజీవని రాష్ట్రానికి గేమ్ ఛేంజర్..

Published: 29 Aug 2026 • 02:05 PM

* గిరిజనుల ఆరోగ్య పరిరక్షణ ప్రభుత్వ బాధ్యత
-సీఎం చంద్రబాబు

అకేరు న్యూస్ అమరావతి :సంజీవని పథకం రాష్ట్ర ఆరోగ్య రంగంలో ఒక గేమ్ ఛేంజర్‌గా మారబోతోందని సీఎం చంద్రబాబు అన్నారు. ప్రజల ఆరోగ్యం వారు తీసుకునే ఆహారం, జీవనశైలిపై ఆధారపడి ఉంటుందని పేర్కొన్నారు.

ఆరోగ్యకరమైన సమాజ నిర్మాణమే ప్రభుత్వ ప్రధాన లక్ష్యమని స్పష్టం చేశారు.
ముఖ్యంగా మారుమూల గిరిజన ప్రాంతాల్లో నివసిస్తున్న ప్రజలకు మెరుగైన వైద్య సేవలు అందించేందుకు ప్రభుత్వం ప్రత్యేక ప్రణాళికతో ముందుకు సాగుతోందని సీఎం తెలిపారు.

ప్రతి గిరిజన కుటుంబానికి నాణ్యమైన వైద్యం అందేలా చర్యలు తీసుకుంటామని చెప్పారు. గిరిజన ప్రాంతాల్లో ఉన్న ఆరోగ్య సమస్యలను గుర్తించి, వాటికి శాశ్వత పరిష్కారం చూపే దిశగా ప్రభుత్వం పనిచేస్తోందన్నారు.
ప్రజలు తీసుకునే ఆహారం ఆరోగ్యంపై కీలక ప్రభావం చూపుతుందని, పౌష్టికాహారంపై ప్రజల్లో మరింత అవగాహన పెంచాల్సిన అవసరం ఉందని చంద్రబాబు పేర్కొన్నారు.

వ్యాధులు వచ్చిన తర్వాత చికిత్స చేయడం కంటే, వ్యాధులు రాకుండా ముందస్తు జాగ్రత్తలు తీసుకోవడమే ముఖ్యమన్నారు.
గిరిజనుల ఆరోగ్యాన్ని కాపాడటం ప్రభుత్వ బాధ్యత అని స్పష్టం చేసిన సీఎం, మారుమూల ప్రాంతాల్లోనూ వైద్య సేవలు సులభంగా అందుబాటులోకి తీసుకువస్తామని హామీ ఇచ్చారు.

ప్రతి సమస్యకు పరిష్కారం చూపేలా అధికారులు సమన్వయంతో పనిచేయాలని సూచించారు.
సంజీవని పథకం ద్వారా రాష్ట్రంలోని ప్రజలందరికీ మెరుగైన ఆరోగ్య సేవలు అందించడమే ప్రభుత్వ లక్ష్యమని సీఎం చంద్రబాబు తెలిపారు.

ఆరోగ్యవంతమైన సమాజ నిర్మాణానికి ఈ పథకం కీలకంగా మారుతుందని, ముఖ్యంగా గిరిజన ప్రాంతాల్లో ఆరోగ్య సేవల విస్తరణకు సంజీవని కొత్త దిశ చూపుతుందని ఆయన ఆశాభావం వ్యక్తం చేశారు.