* టెక్స్ టైల్ పార్క్, సూప‌ర్ స్పెషాలిటీ హాస్పిట‌ల్ ప‌రిశీల‌న
* మ‌హిళా శ‌క్తి క్యాంటీన్ ప్రారంభోత్సవం
* గ్రేట‌ర్ వ‌రంగ‌ల్ అభివృద్ధి ప‌నుల స‌మీక్ష
* హంట‌ర్ రోడ్‌లో మెడిక‌వ‌ర్ హాస్పిట‌ల్ ప్రారంభోత్సవం
ఆకేరు న్యూస్‌, వ‌రంగ‌ల్ : రేపు సీఎం రేవంత్ రెడ్డి వ‌రంగ‌ల్‌కు రానున్నారు . ఢిల్లీ ప‌ర్య‌ట‌న ముగియ‌గానే నేరుగా వ‌రంగ‌ల్‌కు వ‌స్తున్నారు. అభివృద్ధి ప‌నుల స‌మీక్ష‌తో పాటు ఇప్ప‌టికే కొన‌సాగుతున్న పనులను ప‌రిశీలిస్తారు. అనంత‌రం అధికారుల‌తో గ్రేట‌ర్ వ‌రంగ‌ల్ అభివృద్ధి పనులను స‌మీక్షిస్తారు.
మ‌ద్యాహ్నం 12.30 నిమిషాల‌కు శంషాబాద్ విమానాశ్ర‌యం నుంచి హెలికాప్ట‌ర్‌లో వ‌రంగ‌ల్ జిల్లా గీసుకొండ మండ‌లం లో ఏర్పాటు చేసిన కాక‌తీయ మెగా టెక్స్ టైల్ పార్క్‌ను ప‌రిశీలిస్తారు. అక్క‌డి నుంచి వ‌రంగ‌ల్ సెంట్ర‌ల్ జైల్ ప్రాంగ‌ణంలో నిర్మించిన సూప‌ర్ స్పెషాలిటీ హాస్పిట‌ల్ ప‌నుల ప్ర‌గ‌తిని ప‌రిశీలిస్తారు. హ‌నుమ‌కొండ జిల్లా క‌లెక్ట‌రేట్ కు చేరుకుంటారు. మ‌హిళాశ‌క్తి క్యాంటీన్‌ను ప్రారంభిస్తారు. అనంత‌రం జిల్లా క‌లెక్ట‌రేట్‌లో స‌మావేశ మందిరంలో 2గంట‌ల 30 నిమిషాలు గ్రేట‌ర్ వ‌రంగ‌ల్ మునిసిప‌ల్ కార్పోరేష‌న్ ప‌రిధిలో జ‌రిగే అభివృద్ధి పనులను అధికారుల‌తో స‌మీక్షిస్తారు. ఆ త‌ర్వాత హంట‌ర్ రోడ్‌లో ఇటీవ‌లే నిర్మించిన మెడిక‌వ‌ర్ ప్రైవేట్ హాస్పిట‌ల్ ను ప్రారంభిస్తారు. అనంత‌రం నేరుగా ఆర్ట్స్ క‌ళాశాల‌లో ఏర్పాటు చేసిన హెలిపాడ్ కు చేరుకుని హెలికాప్ట‌ర్‌లో హైద‌రాబాద్ కు వెళ‌తారు.
————————————–
