ఎలాన్ మస్క్
- 52 ఏళ్ల వ‌య‌సులో మరోసారి..
- న్యూరాలింక్ ఉద్యోగినితో బిడ్డ‌ను క‌న్న మస్క్
ఆకేరు న్యూస్ డెస్క్ : టెక్ దిగ్గజం, టెస్లా అధినేత ఎలాన్ మస్క్ ప్ర‌పంచానికి ప‌రిచ‌యం అక్క‌ర్లేని పేరు. ఏదో ఒక విశేషం, వివాదంతో నిత్యం వార్త‌ల్లో ఉంటారు. తాజాగా మరోసారి ఎలాన్ మస్క్ వార్తల్లోకి ఎక్కారు. 52 ఏళ్ల వయస్సులో మస్క్ మరోసారి తండ్రి అయ్యారు. తన గర్ల్‌ఫ్రెండ్, న్యూరాలింక్ స్పెషల్ ప్రాజెక్ట్ డైరెక్టర్ షివాన్ జిలిస్ మూడో బిడ్డకు జన్మనిచ్చారు. ఇప్పటి వరకు మస్క్‌కు 11 మంది పిల్లలు ఉన్నారు. ఇప్పుడు ఆ సంఖ్య12కు చేరింది. ఎలాన్ మస్క్, షివాన్ జిలిస్‌లు కొద్దిరోజులుగా సహజీవనం చేస్తున్నారు. 2021లో వీరిద్దరు ఇద్దరు కవలలకు జన్మనిచ్చారు. తాజాగా మరో బిడ్డకు జన్మనిచ్చారు.
తొలి భార్య‌తో ఐదుగురు.. రెండో భార్య‌తో ముగ్గురు..
ఎలాన్ మస్క్ తొలుత రచయిత అయిన జస్టిన్ మస్క్‌ను పెళ్లి చేసుకున్నారు. ఆమెకు అయిదుగురు సంతానం. కొద్దిరోజులు తర్వాత మస్క్, జస్టిన్ విడాకులు తీసుకొని విడిపోయారు. ఆ తర్వాత మ్యూజిషియన్ గ్రిమ్స్‌ను మస్క్ పెళ్లి చేసుకున్నారు. వారిద్దరు కలిసి ముగ్గురు పిల్లలకు జన్మనిచ్చారు. మస్క్ న్యూరాలింక్‌ను స్థాపించిన తర్వాత బ్రెయిన్-కంప్యూటర్ టెక్నాలజీని అభివృద్ధి చేసే కంపెనీకి సహ-సీఈఓగా గ్రిమ్స్ పని చేస్తున్నారు. ఆ తర్వాత గ్రిమ్స్‌తో కూడా విడాకులు తీసుకున్న మస్క్ షివాన్ జిలిస్‌తో సహజీవనం చేస్తున్నారు. ఆమెతో ఇద్దరు పిల్లలను క‌న్నారు. ఇలా ఇప్పటి వరకు 11 మంది పిల్లలకు ఎలాన్ మస్క్ తండ్రి అయ్యారు. ఇకపోతే జననాల రేటు భారీగా తగ్గడం వల్ల కలిగే నష్టాలపై ఎలాన్ మస్క్ కొద్దిరోజులుగా బహిరంగంగానే ప్రస్తావిస్తున్నారు. జననాల రేటు తగ్గడం నాగరికతకు అతిపెద్ద ముప్పుగా తాను భావిస్తున్నట్లు మస్క్ పేర్కొన్నారు. అందుకే ఎక్కువ మంది పిల్లలను క‌నాల‌ని తన స్నేహితులను కూడా ఎలాన్ మస్క్ ప్రోత్స‌హిస్తుంటార‌ట.
———————
