Varanasi Movie Update | వారణాసి అప్‌డేట్ సస్పన్స్

Published: 05 Aug 2026 • 02:03 PM

* జక్కన్న సర్‌ప్రైజ్ ఏంటి

ఆకేరు న్యూస్, హైదరాబాద్: దర్శక ధీరుడు ఎస్.ఎస్. రాజమౌళి, సూపర్ స్టార్ మహేష్ బాబు కాంబినేషన్‌లో వస్తున్న అత్యంత ప్రతిష్టాత్మక చిత్రం ‘వారణాసి’. ఈ పాన్ వరల్డ్ మూవీపై ప్రపంచవ్యాప్తంగా సినీ ప్రియుల్లో, అభిమానుల్లో భారీ అంచనాలు నెలకొన్నాయి. ఈ సినిమా నుంచి వచ్చే ఏ చిన్న అప్‌డేట్ అయినా మహేష్ అభిమానులకు, మూవీ లవర్స్‌కు పెద్ద పండగే అని చెప్పవచ్చు.

* ఆగస్టు 9న ‘మాస్’ ట్రీట్ ఉందా..

ప్రతి ఏడాది ఆగస్టు 9న సూపర్ స్టార్ మహేష్ బాబు పుట్టినరోజు సందర్భంగా ఏదో ఒక క్రేజీ అప్‌డేట్, పోస్టర్ లేదా గ్లింప్స్ విడుదల చేయడం పరిపాటిగా వస్తోంది. ఈ నేపథ్యంలో ఈ ఏడాది రాజమౌళి ప్రాజెక్ట్ ‘వారణాసి’ నుంచి విజువల్ గ్లింప్స్ వస్తుందని ఫ్యాన్స్ ఎంతో ఆశగా ఎదురుచూస్తున్నారు. అయితే, సోషల్ మీడియాలో వినిపిస్తున్న రూమర్స్ ప్రకారం.. ఈ బర్త్‌డేకి ఎలాంటి గ్లింప్స్ రావడం లేదని, కేవలం ఒక పోస్టర్ మాత్రమే వచ్చే అవకాశం ఉందనే టాక్ నడుస్తోంది.

ప్రస్తుతం ఈ విషయమై చిత్రబృందం (మేకర్స్) నుంచి ఎలాంటి అధికారిక ప్రకటన వెలువడలేదు. కానీ నెట్టింట మాత్రం గ్లింప్స్ రావడం లేదనే వార్తలు గట్టిగా ప్రచారమవుతుండటంతో అభిమానులలో కొంత నిరాశ వ్యక్తమవుతోంది.

* భారీ తారాగణం – గ్రాండ్ రిలీజ్…

ఈ గ్లోబల్ అడ్వెంచరస్ డ్రామాలో గ్లోబల్ బ్యూటీ ప్రియాంక చోప్రా కథానాయికగా నటిస్తుండగా, మలయాళ స్టార్ నటుడు పృథ్వీరాజ్ సుకుమారన్ ప్రధాన విలన్‌గా అలరించనున్నారు. ఈ చిత్రానికి ఆస్కార్ విజేత ఎమ్.ఎమ్. కీరవాణి సంగీతం అందిస్తుండగా, కె.ఎల్. నారాయణ మరియు ఎస్.ఎస్. కార్తికేయ నిర్మిస్తున్నారు.

ఉగాది పండుగ, వరుస సెలవులను దృష్టిలో ఉంచుకుని ఈ చిత్రాన్ని 2027 ఏప్రిల్ 7న ప్రపంచవ్యాప్తంగా విడుదల చేయనున్నట్లు మేకర్స్ ఇదివరకే అధికారికంగా ప్రకటించిన సంగతి తెలిసిందే. మేకర్స్ నుంచి ఆగస్టు 9కి సంబంధించిన అప్‌డేట్‌పై క్లారిటీ వస్తే కానీ సస్పన్స్ వీడదు.