CM Revanth Reddy Tummidihatti Barrage Project
* 150 మీటర్ల ఎత్తుకు పెంపు.. కేంద్రంతో ఢిల్లీలో కీలక భేటీ
ఆకేరు న్యూస్, డెస్క్: తెలంగాణ సాగునీటి రంగంలో కీలకమైన తుమ్మిడిహెట్టి ప్రాజెక్టు నిర్మాణానికి ఎదురవుతున్న అడ్డంకులను తొలగించేందుకు రాష్ట్ర ప్రభుత్వం అడుగులు వేస్తోంది. దీనిలో భాగంగా దేశ రాజధాని ఢిల్లీలో కేంద్ర జల్శక్తి శాఖ మంత్రి సీఆర్ పాటిల్తో ముఖ్యమంత్రి ఎ. రేవంత్ రెడ్డి సమావేశమయ్యారు. ఈ కీలక భేటీలో రాష్ట్ర నీటిపారుదల శాఖ మంత్రి ఉత్తమ్ కుమార్ రెడ్డితో పాటు పలువురు పార్లమెంట్ సభ్యులు పాల్గొన్నారు.
* మహారాష్ట్రను ఒప్పించాలి – సీఎం విజ్ఞప్తి
తుమ్మిడిహెట్టి వద్ద బారేజీ ఎత్తు పెంపు విషయంలో పొరుగున ఉన్న మహారాష్ట్రతో చర్చలు జరిపి ఒప్పించేందుకు కేంద్ర ప్రభుత్వం చొరవ చూపాలని రేవంత్ రెడ్డి విజ్ఞప్తి చేశారు. గతంలో 148 మీటర్ల ఎత్తుతో బారేజీ నిర్మించేందుకు మహారాష్ట్ర ప్రభుత్వం సూత్రప్రాయంగా సమ్మతించిన విషయాన్ని ఈ సందర్భంగా కేంద్ర మంత్రి దృష్టికి తీసుకెళ్లారు.
ప్రస్తుతం ఈ బారేజీని 150 మీటర్ల ఎత్తుతో నిర్మించేలా మహారాష్ట్రను ఒప్పించాలని కేంద్ర మంత్రిని కోరారు. ఎత్తును 150 మీటర్లకు పెంచినప్పటికీ ముంపు సమస్య తీవ్రంగా ఉండదని, నిర్వాసిత ప్రాంతం 1000 హెక్టార్ల లోపే ఉంటుందని గణాంకాలతో సహా వివరించారు.
* గ్రావిటీ ద్వారా నీళ్లు..
ఈ ప్రాజెక్ట్ వల్ల కలిగే ప్రయోజనాలను సీఎం రేవంత్ రెడ్డి కేంద్ర మంత్రికి వివరించారు:
ఉచితంగా నీటి ప్రవాహం: బారేజీ ఎత్తును 150 మీటర్లకు పెంచడం వల్ల భారీ మోటార్లతో నీటిని ఎత్తిపోయాల్సిన (Lift చేయాల్సిన) అవసరం ఉండదు.
భారీగా నిధుల ఆదా… సహజసిద్ధమైన గ్రావిటీ (గురుత్వాకర్షణ) ద్వారానే నీటిని తరలించవచ్చు. దీనివల్ల ప్రభుత్వానికి విద్యుత్ బిల్లులు, నిర్వహణ ఖర్చులు మిగిలి ప్రజాధనం ఆదా అవుతుంది.
తెలంగాణ ప్రాజెక్టులకు కేంద్రం నుంచి పూర్తి సహకారం అందించాలని, మహారాష్ట్రతో ఉన్న నీటి వివాదాలు/చర్చలను త్వరితగతిన కొలిక్కి తెచ్చేలా జల్శక్తి శాఖ జోక్యం చేసుకోవాలని ముఖ్యమంత్రి కోరారు.
About the Author
Please tell us what is wrong. Your report will be sent to the website team.
