Bihar CM Nitish Kumar, Bihar Officials alerted for flood threat
* డ్యామ్లపై 24 గంటల నిఘా..
* రంగంలోకి NDRF, SDRF
ఆకేరు న్యూస్, డెస్క్: నేపాల్లో కురుస్తున్న భారీ వర్షాలు, ఆకస్మిక వరదల (Flash Floods) ప్రభావంతో బీహార్ రాష్ట్రానికి తీవ్ర వరద ముప్పు పొంచి ఉందని ముఖ్యమంత్రి నితీష్ కుమార్ హెచ్చరించారు. ఈ క్రమంలో ఆయన అధికారులతో అత్యవసర సమీక్షా సమావేశం నిర్వహించి, రాష్ట్రవ్యాప్తంగా అధికారులను హైఅలర్ట్ చేశారు.
నేపాల్ సరిహద్దుల గుండా ప్రవహించే కోసి, గండక్ తదితర నదులలో వరద నీరు వేగంగా వచ్చి చేరే అవకాశం ఉండటంతో, ముందుస్తు జాగ్రత్త చర్యలు చేపడుతున్నట్లు తెలిపారు. నదీ తీర ప్రాంతాలు, కరకట్టలు (Embankments) మరియు ప్రధాన డ్యామ్ల వద్ద 24 గంటల పాటు నిరంతర నిఘా ఏర్పాటు చేయాలని అధికారులను ఆదేశించారు.
లోతట్టు ప్రాంతాల ప్రజలను అప్రమత్తం చేసేందుకు లౌడ్స్పీకర్ల ద్వారా నిరంతరం సమాచారం అందించాలని, సురక్షిత ప్రాంతాలకు తరలించేందుకు అవసరమైన ఏర్పాట్లు చేయాలని అధికారులను ఆదేశించారు. ఎలాంటి అత్యవసర పరిస్థితినైనా ఎదుర్కొనేందుకు వీలుగా జాతీయ మరియు రాష్ట్ర విపత్తు సహాయక దళాలు (NDRF, SDRF) సిద్ధంగా ఉన్నాయని స్పష్టం చేశారు.
About the Author
Please tell us what is wrong. Your report will be sent to the website team.
