* వియత్నాంలో విల‌యం సృష్టించిన యాగి తుఫాను
ఆకేరు న్యూస్ డెస్క్ : వియత్నాం (Vietnam)లో యాగి తుఫాను విల‌యం సృష్టించింది. ప్రాణ, ఆస్తి న‌ష్టం భారీ స్థాయిలో పెరుగుతోంది. ఈ తుఫాను ధాటికి ఉత్తర ప్రాంతం విల‌విల‌లాడుతోంది. ఇప్పటి వరకు 150 మందికిపైగానే చ‌నిపోయిన‌ట్లు తెలుస్తోంది. సుమారు 90 మంది గల్లంతయ్యారని అధికారులు చెబుతున్నారు. ఈ తుఫాను బీభత్సానికి ఉత్తర వియత్నాంలోని లావో కై ప్రావిన్స్‌లో గల లాంగ్ నౌ న‌ల‌య (Lang nou Nalaya) అనే గ్రామం మొత్తం తుడిచిపెట్టుకుపోయింది. ఆ గ్రామంలో నివాసం ఉంటున్న 35 కుటుంబాలు మట్టి చరియలు, శిథిలాల కింద చిక్కుకుపోయాయి. ఇప్పటి వరకు 16 మృతదేహాలను సహాయ బృందాలు వెలికితీయగా 40 మంది గల్లంతయ్యారు. 12 మంది సురక్షితంగా బయటపడ్డారు.
————————
