Mr Deyyam| ఘనంగా ‘మిస్టర్ దెయ్యం’ ప్రారంభోత్సవం

Published: 26 Oct 2026 • 06:33 PM

* మంచు మనోజ్ క్లాప్

* కెమెరా స్విచ్ ఆన్ చేసిన అలీ

Mr Deyyam| ఆకేరు న్యూస్, సినిమా డెస్క్: టాలీవుడ్‌లో మరో కొత్త చిత్రం పట్టాలెక్కింది. విజయ్ శంకర్, సిరి చౌదరి, ఖయ్యూమ్ ప్రధాన పాత్రల్లో నటిస్తున్న నూతన చిత్రం ‘మిస్టర్ దెయ్యం’ ప్రారంభోత్సవ కార్యక్రమాలు ఘనంగా జరిగాయి. శౌర్య ఆర్య సమర్పణలో అన్నే క్రియేషన్స్ బ్యానర్‌పై వెంకట్ నిమ్మలపూడి, సింధు అన్నే ఈ చిత్రాన్ని నిర్మిస్తున్నారు. సంజన అన్నే దర్శకత్వ బాధ్యతలు చేపట్టనున్నారు.

సినీ ప్రముఖుల సందడి

శుక్రవారం నిర్వహించిన ఈ సినిమా పూజా కార్యక్రమానికి పలువురు సినీ, రాజకీయ ప్రముఖులు హాజరై చిత్ర బృందానికి శుభాకాంక్షలు తెలిపారు. మంచు మనోజ్, అలీ, విజయ్ కనకమేడల, ఆర్పీ పట్నాయక్, పట్నం మహేందర్ రెడ్డి, రమేష్ పుప్పాల, సమీర్, చింటు, వీర శంకర్, రాజా వన్నెం రెడ్డి, వీఎన్ ఆదిత్య, జ్యోత్స, లేబర్ కమిషనర్ గంగాధర్, కొరియోగ్రాఫర్ విజయ్ పోలకి తదితరులు కార్యక్రమంలో పాల్గొన్నారు.

ప్రత్యేకంగా ముహూర్తపు షాట్

చిత్ర ప్రారంభోత్సవంలో భాగంగా ముహూర్తపు సన్నివేశానికి మంచు మనోజ్ క్లాప్ కొట్టగా, అలీ కెమెరా స్విచ్ ఆన్ చేశారు. విజయ్ కనకమేడల తొలి షాట్‌కు దర్శకత్వం వహించారు. వీఎన్ ఆదిత్య, ఆర్పీ పట్నాయక్ చిత్ర బృందానికి స్క్రిప్ట్‌ను అందజేశారు.

ప్రధాన పాత్రల్లో ప్రముఖ నటులు

‘మిస్టర్ దెయ్యం’ చిత్రంలో విజయ్ శంకర్, సిరి చౌదరి, ఖయ్యూమ్ ప్రధాన పాత్రల్లో కనిపించనున్నారు. దర్శకురాలు సంజన అన్నే నేతృత్వంలో అన్నే క్రియేషన్స్ ఈ చిత్రాన్ని నిర్మిస్తోంది. ఈ కార్యక్రమంలో నటుడు ఖయ్యూమ్, పింగ్ పాంగ్ సూర్యతో పాటు పలువురు సినీ ప్రముఖులు పాల్గొన్నారు.