Perumandla Ramakrishna MLC
* హనుమకొండ, గీసుకొండలలో బహుజన, కార్మిక సంఘాల ఏకగ్రీవ డిమాండ్
ఆకేరు న్యూస్, హనుమకొండ : పేదల వైద్యుడిగా, అణగారిన వర్గాల ఆశాజ్యోతిగా నిరంతరం శ్రమిస్తున్న టీపీసీసీ సీనియర్ నేత డాక్టర్ పెరుమాండ్ల రామకృష్ణకు గవర్నర్ కోటాలో ఎమ్మెల్సీ పదవి కేటాయించాలని అంబేడ్కర్ యూనియన్ హనుమకొండ జిల్లా ప్రధాన కార్యదర్శి ఐలయ్య మరియు తెలంగాణ ఆటో డ్రైవర్స్ యూనియన్ నాయకుడు మంద మన్మథ కుమార్ విడివిడిగా డిమాండ్ చేశారు.
గురువారం హనుమకొండ మరియు గీసుకొండ (ఎల్కుర్తి హవేలీ)లో వారు మాట్లాడుతూ… మాదిగ హక్కుల దండోరా గౌరవ అధ్యక్షుడిగా డాక్టర్ రామకృష్ణ గత రెండు దశాబ్దాలుగా దళిత, బహుజన వర్గాల హక్కుల పరిరక్షణ కోసం, ఎస్సీ వర్గీకరణ సాధన కోసం రాజీలేని పోరాటం చేస్తున్నారని కొనియాడారు.
* ప్రధాన వివరాలు & డిమాండ్లు
అంబేడ్కర్ యూనియన్ ప్రధాన కార్యదర్శి ఐలయ్య మాట్లాడుతూ, రామకృష్ణ హాస్పిటల్ మరియు ట్రస్ట్ ద్వారా వేలాది మంది పేదలకు ఉచిత వైద్యం, ఆర్థిక చేయూత అందిస్తున్న డాక్టర్ పెరుమాండ్ల రామకృష్ణకు గవర్నర్ కోటాలో ఎమ్మెల్సీ ఇవ్వాలని డిమాండ్ చేశారు. రాజ్యాంగంలోని ఆర్టికల్ 171(3) ప్రకారం సామాజిక సేవా విభాగంలో ఎమ్మెల్సీగా నియమితులయ్యేందుకు ఆయన అత్యంత అర్హులని పేర్కొంటూ ముఖ్యమంత్రి రేవంత్ రెడ్డి, రాష్ట్ర గవర్నర్ స్పందించాలని విజ్ఞప్తి చేశారు.
ఈ కార్యక్రమాల్లో ఆటో డ్రైవర్స్ యూనియన్ నాయకులు ఇమ్మడి రాజు, గిన్నారపు కిరణ్, మంద రాజేష్, జన్ను సాల్మన్, దళిత సంఘం నాయకులు మాదాసి సుదర్శన్, సుధాకర్, ప్రశాంత్ తదితరులు పాల్గొన్నారు.
About the Author
Please tell us what is wrong. Your report will be sent to the website team.
