Rajnikanth Jailer 2 | రజినీ కాంత్ ‘జైలర్ 2’.. రూట్ క్లియర్

Published: 02 Sep 2026 • 09:38 PM

అకేరు న్యూస్, హైదరాబాద్: సూపర్‌స్టార్ రజనీకాంత్ అభిమానులు ఎంతో ఆసక్తిగా ఎదురుచూస్తున్న ‘జైలర్ 2’ చిత్రం విడుదలకు సిద్ధమవుతోంది. నెల్సన్ దిలీప్‌కుమార్ దర్శకత్వంలో రూపొందుతున్న ఈ యాక్షన్ ఎంటర్‌టైనర్‌కు సంబంధించిన విడుదల తేదీపై ఇప్పటికే భారీ అంచనాలు నెలకొన్నాయి.

2023లో విడుదలైన ‘జైలర్’ ఘన విజయం సాధించడంతో, దానికి సీక్వెల్‌గా వస్తున్న ‘జైలర్ 2’పై సహజంగానే భారీ క్రేజ్ ఏర్పడింది. రజనీకాంత్ మరోసారి శక్తివంతమైన పాత్రలో కనిపించనుండటంతో అభిమానుల్లో ఉత్కంఠ నెలకొంది. యాక్షన్, ఎంటర్‌టైన్‌మెంట్‌తో పాటు భారీ స్థాయిలో తెరకెక్కుతున్న ఈ సినిమాను సన్ పిక్చర్స్ నిర్మిస్తోంది.

* అక్టోబర్ 15న ‘జైలర్ 2’

థియేటర్లలోకి రానుందనే వార్తతో రజనీకాంత్ అభిమానులు సంబరాలకు సిద్ధమవుతున్నారు. తొలి భాగాన్ని మించి ఈ సీక్వెల్ ఉండబోతుందనే అంచనాలు సినీ వర్గాల్లో వ్యక్తమవుతున్నాయి. విడుదల తేదీ దగ్గరపడే కొద్దీ సినిమాపై అంచనాలు మరింత పెరగనున్నాయి.