Praja Vani Held at Rayaparthy MPDO Office
* 17 దరఖాస్తుల స్వీకరణ
ఆకేరు న్యూస్,రాయపర్తి:
రాయపర్తి మండల పరిషత్ అభివృద్ధి అధికారి (ఎంపీడీవో) కార్యాలయంలో సోమవారం నిర్వహించిన ‘ప్రజావాణి’ కార్యక్రమానికి ప్రజల నుంచి విశేష స్పందన లభించింది. ఈ కార్యక్రమంలో భాగంగా మండలంలోని వివిధ గ్రామాల నుంచి వచ్చిన అర్జీదారుల నుంచి మొత్తం 17 దరఖాస్తులను స్వీకరించినట్లు ఎంపీడీవో పాక శ్రీనివాసులు తెలిపారు.
ప్రజల నుంచి స్వీకరించిన ఈ దరఖాస్తులలో ఎక్కువగా వివిధ సంక్షేమ పథకాలు, భూ సమస్యలు, తాగునీరు, డ్రైనేజీ మరియు ఇతర స్థానిక సమస్యలకు సంబంధించినవి ఉన్నాయని ఆయన పేర్కొన్నారు.
అర్జీలను స్వీకరించిన అనంతరం ఎంపీడీవో మాట్లాడుతూ… ప్రజావాణికి వచ్చిన ప్రతి దరఖాస్తును సంబంధిత శాఖల అధికారులకు పంపిస్తున్నామని, వాటిని క్షేత్రస్థాయిలో పరిశీలించి వేగంగా పరిష్కరించేలా చర్యలు చేపడతామని స్పష్టం చేశారు.
ప్రజా సమస్యల పరిష్కారమే లక్ష్యంగా ప్రభుత్వం ఈ కార్యక్రమాన్ని నిర్వహిస్తోందని, ప్రజలు ఈ అవకాశాన్ని వినియోగించుకోవాలని కోరారు. ప్రజావాణి దరఖాస్తులను అధికారులు అలసత్వం వహించకుండా, నిర్ణీత గడువులోగా పరిష్కరించాలని ఈ సందర్భంగా అధికారులను ఆదేశించారు.
ఈ కార్యక్రమంలో మండల పరిషత్ అధికారులు, వివిధ శాఖల సిబ్బంది మరియు ప్రజలు పాల్గొన్నారు.
About the Author
Please tell us what is wrong. Your report will be sent to the website team.
