Shubman Gill | గౌహతి వన్డేలో గిల్ విశ్వరూపం..

Published: 30 Sep 2026 • 10:08 PM Updated: 30 Sep 2026 • 10:22 PM

* వన్డే చరిత్రలోనే ‘ఫాస్టెస్ట్ డబుల్ సెంచరీ’

ఆకేరు న్యూస్ డెస్క్: టీమిండియా కెప్టెన్, రన్ మెషిన్ శుభ్‌మన్ గిల్ సరికొత్త చరిత్ర సృష్టించాడు. గౌహతిలోని బర్సపరా క్రికెట్ స్టేడియం వేదికగా వెస్టిండీస్‌తో జరుగుతున్న రెండో వన్డేలో గిల్ విధ్వంసకర ఇన్నింగ్స్‌తో చెలరేగిపోయాడు. విండీస్ బౌలర్లను ముప్పుతిప్పలు పెడుతూ వన్డే క్రికెట్ చరిత్రలోనే అత్యంత వేగవంతమైన డబుల్ సెంచరీ (Fastest ODI Double Century) సాధించి ప్రపంచ రికార్డును తన పేరిట లిఖించుకున్నాడు.

* ఇషాన్ కిషన్ రికార్డ్ బద్దల్!

ఈ మ్యాచ్‌లో ప్రత్యర్థి నిర్దేశించిన 406 పరుగుల భారీ లక్ష్య ఛేదనలో బరిలోకి దిగిన గిల్, కేవలం 117 బంతుల్లోనే 24 ఫోర్లు, 7 సిక్సర్ల సాయంతో తన డబుల్ సెంచరీని పూర్తి చేసుకున్నాడు. ఈ అద్భుత ప్రదర్శనతో గతంలో బంగ్లాదేశ్‌పై 126 బంతుల్లో ఫాస్టెస్ట్ డబుల్ సెంచరీ చేసిన భారత ఆటగాడు ఇషాన్ కిషన్ రికార్డును గిల్ తిరగరాశాడు.
కేవలం 63 బంతుల్లోనే శతకాన్ని అందుకున్న ఈ కుర్ర కెప్టెన్, ఆ తర్వాతి 100 పరుగులను కేవలం 40 బంతుల్లోనే రాబట్టడం గిల్ బ్యాటింగ్ పవర్‌కు నిదర్శనం.

* రోహిత్ శర్మ సరసన గిల్.. కెరీర్‌లో రెండోసారి!

శుభ్‌మన్ గిల్‌కు వన్డే కెరీర్‌లో ఇది రెండో డబుల్ సెంచరీ. 2023లో హైదరాబాద్ వేదికగా న్యూజిలాండ్‌తో జరిగిన మ్యాచ్‌లో గిల్ (145 బంతుల్లో) తొలిసారి ద్విశతకం (208 పరుగులు) బాదాడు. వన్డే క్రికెట్ చరిత్రలో ఒకటి కంటే ఎక్కువ డబుల్ సెంచరీలు సాధించిన రెండో భారతీయ బ్యాటర్‌గా గిల్ నిలిచాడు. ఈ జాబితాలో రోహిత్ శర్మ (3 డబుల్ సెంచరీలు) అగ్రస్థానంలో ఉన్నాడు.

మరోవైపు, ఈ చారిత్రాత్మక మ్యాచ్‌లో సీనియర్ ఓపెనర్ రోహిత్ శర్మ సైతం 101 పరుగులతో సెంచరీ సాధించి, వన్డేల్లో 12 వేల పరుగుల మైలురాయిని దాటడం విశేషం. ప్రస్తుతం టీమిండియా ఈ భారీ స్కోరును అలవోకగా ఛేదించే దిశగా దూసుకుపోతోంది.

𝗗𝗢𝗨𝗕𝗟𝗘 𝗖𝗘𝗡𝗧𝗨𝗥𝗬 💯💯

Take a bow, skipper! 🙇‍♂️

Shubman Gill smashes the fastest ODI double hundred 🫡

Updates ▶️ https://t.co/6XCYRtZLAi #TeamIndia | #INDvWI | @mflone_ | @ShubmanGill pic.twitter.com/2gizUXMAnT

— BCCI (@BCCI) September 30, 2026