తెలంగాణ ఇంటర్మీడియట్‌ ఫలితాలు
ఆకేరు న్యూస్ , హైదరాబాద్ : తెలంగాణలో ఇంటర్మీడియట్‌ పరీక్షల ఫలితాలు ఇవాళ ( బుధవారం) విడుదల కానున్నాయి. ఈ ఉదయం 11 గంటలకు ఇంటర్‌ ప్రథమ, ద్వితీయ సంవత్సర ఫలితాలు ఒకేసారి విడుదల చేయనున్నారు. నాంపల్లిలోని ఇంటర్మీడియట్‌ బోర్డు కార్యాలయంలో విద్యాశాఖ ముఖ్య కార్యదర్శి బుర్రా వెంకటేశం, ఇంటర్‌ బోర్డు కార్యదర్శి శృతి ఓజా ఈ ఫలితాలను వెల్లడిస్తారు.
ఇంటర్మీడియట్‌ పరీక్షలు ఫిబ్రవరి 28 నుంచి మార్చి 19 వరకు జరిగిన సంగతి తెలిసిందే. రాష్ట్రవ్యాప్తంగా 9,80,978 మంది విద్యార్థులు ఈ పరీక్షలు రాశారు. ఫలితాల కోసం విద్యార్థులు ఇంటర్మీడియట్‌ బోర్డు అధికారిక వెబ్‌సైట్‌ https://tsbie.cgg.gov.in. లో ఫలితాలను చూసుకోవచ్చని అధికారులు సూచించారు.
———
