Union Bank Recruitment 2026 | పూర్తి వివరాలు ఇవే!

* ఆగస్టు 10 వరకు దరఖాస్తులు

ఆకేరు న్యూస్, డెస్క్: బ్యాంకింగ్ రంగంలో అనుభవం ఉన్న అభ్యర్థులకు యూనియన్ బ్యాంక్ ఆఫ్ ఇండియా శుభవార్త అందించింది.

దేశవ్యాప్తంగా ఉన్న శాఖలు, కార్యాలయాల్లో 2026-27 నియామక ప్రక్రియలో భాగంగా మొత్తం 395 మేనేజీరియల్ పోస్టుల భర్తీకి ఆన్‌లైన్ దరఖాస్తులను ఆహ్వానిస్తోంది. జనరల్ బ్యాంకింగ్ ఆఫీసర్లు, స్పెషలిస్ట్ ఆఫీసర్లు, డొమైన్ ఎక్స్‌పర్ట్ విభాగాల్లో ఈ నియామకాలు చేపడుతోంది.

ఇప్పటికే ప్రారంభమైన దరఖాస్తు ప్రక్రియ ఆగస్టు 10, 2026 వరకు కొనసాగనుంది.

* ఖాళీల వివరాలు..

ఈ నోటిఫికేషన్‌లో మేనేజర్ (MMGS-II) – 163 పోస్టులు, సీనియర్ మేనేజర్ (MMGS-III) – 153, చీఫ్ మేనేజర్ (SMGS-IV) – 52, అసిస్టెంట్ జనరల్ మేనేజర్ (SMGS-V) – 20, డిప్యూటీ జనరల్ మేనేజర్ (TEGS-VI) – 7 పోస్టులను భర్తీ చేయనున్నారు. మొత్తం 395 ఖాళీలు అందుబాటులో ఉన్నాయి.

* అర్హతలు, వయోపరిమితి..

దరఖాస్తు చేసే పోస్టును బట్టి ఏదైనా డిగ్రీ, బీకాం, బీఈ/బీటెక్, ఎంబీఏ, ఎంసీఏ, సీఏ, సీఎంఏ, సీఎస్, ఎంటెక్, ఎంఎస్సీ వంటి విద్యార్హతలు ఉండాలి.

అలాగే సంబంధిత బ్యాంకింగ్ లేదా స్పెషలైజ్డ్ రంగంలో అనుభవం తప్పనిసరి. పోస్టును బట్టి అభ్యర్థుల వయస్సు 22 నుంచి 50 సంవత్సరాల మధ్య ఉండాలి.

ప్రభుత్వ నిబంధనల ప్రకారం ఎస్సీ, ఎస్టీ, ఓబీసీ, దివ్యాంగులు తదితర వర్గాలకు వయోసడలింపు వర్తిస్తుంది.

* జీతం, ఎంపిక విధానం..

ఎంపికైన అభ్యర్థులకు పోస్టును బట్టి రూ.64,820 నుంచి రూ.1,56,500 వరకు ప్రాథమిక వేతనం లభిస్తుంది. అదనంగా డీఏ, హెచ్‌ఆర్‌ఏ, స్పెషల్ అలవెన్స్, మెడికల్ సౌకర్యాలు, ఇతర బ్యాంక్ ప్రయోజనాలు కూడా అందుతాయి.

ఎంపిక ప్రక్రియలో పోస్టును బట్టి ఆన్‌లైన్ రాత పరీక్ష, గ్రూప్ డిస్కషన్, వ్యక్తిగత ఇంటర్వ్యూ, డాక్యుమెంట్ వెరిఫికేషన్, మెడికల్ పరీక్ష నిర్వహిస్తారు.

* దరఖాస్తు రుసుము, చివరి తేదీ..

ఆసక్తి, అర్హత కలిగిన అభ్యర్థులు యూనియన్ బ్యాంక్ అధికారిక వెబ్‌సైట్‌ https://www.unionbankofindia.bank.in/en/common/recruitment లో ఆన్‌లైన్ ద్వారా దరఖాస్తు చేసుకోవచ్చు.

దరఖాస్తులకు చివరి తేదీ ఆగస్టు 10, 2026. చివరి నిమిషంలో సాంకేతిక సమస్యలు తలెత్తే అవకాశం ఉన్నందున ముందుగానే దరఖాస్తు పూర్తి చేసుకోవాలని అధికారులు సూచిస్తున్నారు.

* ముఖ్యమైన తేదీలు

* ఆన్‌లైన్ దరఖాస్తుల ప్రారంభం: జూలై 21, 2026
* దరఖాస్తుల చివరి తేదీ: ఆగస్టు 10, 2026
* ఫీజు చెల్లింపు చివరి తేదీ: ఆగస్టు 10, 2026

అధికారిక ప్రకటన :

https://www.unionbankofindia.bank.in/pdf/union-bank-recruitment-project-2026-27.pdf

అధికారిక వెబ్‌సైట్ :

https://www.unionbankofindia.bank.in/en/common/recruitment

About the Author

aakerutelugunews

Administrator

Visit Website View All Posts