Warangal Ganesh Immersion
* ఘాట్లను పరిశీలించిన కలెక్టర్, సీపీ
* ప్రమాదాలు జరగకుండా చర్యలు
ఆకేరు న్యూస్, వరంగల్: వినాయక చవితి నవరాత్రి ఉత్సవాల అనంతరం జరిగే గణేష్ నిమజ్జన వేడుకలను ప్రశాంత వాతావరణంలో నిర్వహించేందుకు జిల్లా యంత్రాంగం పకడ్బందీ ఏర్పాట్లు చేస్తోంది. నిమజ్జనం జరిగే ప్రధాన చెరువులు, ఘాట్లను హనుమకొండ కలెక్టర్ చాహత్ బాజ్పాయ్, పోలీస్ కమిషనర్ శ్వేత వివిధ శాఖల అధికారులతో కలిసి క్షేత్రస్థాయిలో పరిశీలించారు.
* కీలక ఆదేశాలు
ఈ సందర్భంగా నిమజ్జన ఘాట్ల వద్ద భద్రత, విద్యుత్ లైటింగ్, క్రేన్ల ఏర్పాటు, రక్షణ చర్యలపై అధికారులకు పలు సూచనలు చేశారు. ప్రమాదాల నివారణకు నిపుణులైన ఈతగాళ్లు, లైఫ్ జాకెట్లు అందుబాటులో ఉంచాలని ఆదేశించారు. శోభాయాత్ర జరిగే ప్రధాన మార్గాల్లో ట్రాఫిక్ అంతరాయం లేకుండా ముందస్తు మళ్లింపులు చేపట్టాలని సూచించారు.
రాత్రివేళ నిమజ్జనం సజావుగా జరిగేందుకు ఘాట్ల వద్ద ఫ్లడ్లైట్లు, పెద్ద విగ్రహాల కోసం భారీ క్రేన్లు ఏర్పాటు చేయాలని అధికారులను ఆదేశించారు. నిమజ్జనం అనంతరం చెరువుల వద్ద వ్యర్థాలను వెంటనే తొలగించి పారిశుధ్య చర్యలు చేపట్టాలని సూచించారు.
శాంతిభద్రతల పరిరక్షణలో భాగంగా కీలక ప్రాంతాల్లో సీసీ కెమెరాల నిఘా ఏర్పాటు చేస్తున్నట్లు సీపీ శ్వేత తెలిపారు. ఉత్సవ సమితుల సభ్యులు, భక్తులు పోలీసులకు, జిల్లా యంత్రాంగానికి సహకరించాలని కోరారు. తనిఖీల్లో మున్సిపల్, రెవెన్యూ, విద్యుత్, పోలీస్ శాఖల అధికారులు పాల్గొన్నారు.
About the Author
Please tell us what is wrong. Your report will be sent to the website team.
