YASH TOXIC RELEASE DATE | యష్ కొత్త పోస్టర్ వైరల్

Published: 21 Jun 2026 • 02:34 PM

* ఈ ఏడాదే థియేటర్లలోకి రాకింగ్ స్టార్!

ఆకేరు న్యూస్, డెస్క్:

‘కేజీఎఫ్ 2’ తర్వాత రాకింగ్ స్టార్ యష్ నటిస్తున్న మోస్ట్ అవైటెడ్ పాన్ ఇండియా చిత్రం ‘టాక్సిక్: ఎ ఫెయిరీ టేల్ ఫర్ గ్రోన్-అప్స్’ విడుదల తేదీపై నెలలుగా కొనసాగుతున్న సస్పెన్స్‌కు తెరపడింది. అభిమానులు ఎంతో ఆసక్తిగా ఎదురుచూస్తున్న ఈ సినిమా కొత్త రిలీజ్ డేట్‌ను మేకర్స్ అధికారికంగా ప్రకటించారు.

* రిలీజ్ డేట్‌పై క్లారిటీ

మొదట ఈ చిత్రాన్ని 2026 మార్చి 19న విడుదల చేయాలని భావించినప్పటికీ పలు కారణాలతో వాయిదా పడింది. అనంతరం జూన్ 4 విడుదల తేదీని ప్రకటించినా, నిర్మాణ పనులు పూర్తి కాకపోవడంతో మరోసారి వాయిదా వేయాల్సి వచ్చింది.

దీంతో సినిమా 2027కు వెళ్లిపోయిందనే ప్రచారం కూడా జరిగింది. అయితే ఆ రూమర్లకు చెక్ పెడుతూ 2026 ఆగస్టు 26న ప్రపంచవ్యాప్తంగా ‘టాక్సిక్’ విడుదల కానుందని మేకర్స్ ప్రకటించారు.

* కొత్త పోస్టర్ వైరల్

ఫాదర్స్ డే సందర్భంగా విడుదల చేసిన కొత్త పోస్టర్ ప్రస్తుతం సోషల్ మీడియాలో వైరల్ అవుతోంది. “Honor Your Father” అనే క్యాప్షన్‌తో విడుదల చేసిన పోస్టర్‌లో యష్ రెండు విభిన్న లుక్స్‌లో కనిపించాడు.

ఈ పోస్టర్ సినిమాపై మరింత ఆసక్తిని పెంచింది. ఇప్పటికే విడుదలైన ప్రమోషనల్ కంటెంట్‌కు మంచి స్పందన రాగా.. తాజా పోస్టర్ అభిమానులను మరింత ఎగ్జైట్ చేస్తోంది.

గీతూ మోహన్ దాస్ దర్శకత్వంలో తెరకెక్కుతున్న ఈ చిత్రంలో యష్ సరసన నయనతార, కియారా అద్వానీ, రుక్మిణి వసంత్, హ్యూమా ఖురేషి, తారా సుతారియా కీలక పాత్రలు పోషిస్తున్నారు.

సినిమాకు నేషనల్ అవార్డు విన్నర్ రాజీవ్ రవి సినిమాటోగ్రఫీ అందిస్తుండగా, ‘కేజీఎఫ్’ ఫేమ్ రవి బస్రూర్ సంగీతం సమకూరుస్తున్నారు.

* హాలీవుడ్ స్థాయి యాక్షన్

‘జాన్ విక్’ వంటి హాలీవుడ్ చిత్రాలకు పనిచేసిన ప్రముఖ యాక్షన్ డైరెక్టర్ **జెజె పెర్రీ** ఈ చిత్ర యాక్షన్ సన్నివేశాలను రూపొందిస్తున్నారు. జాతీయ అవార్డు గ్రహీత అన్బరివ్ కూడా యాక్షన్ కొరియోగ్రఫీలో భాగమయ్యారు.

దీంతో ‘టాక్సిక్’లో యాక్షన్ ఎపిసోడ్లు ప్రత్యేక ఆకర్షణగా నిలవనున్నాయి.

Honour Thy Father…#Toxic In Cinemas Worldwide from 26-08-2026#ToxicTheMovie #Nayanthara @advani_kiara #TaraSutaria @humasqureshi @rukminitweets #GeetuMohandas @VishalMMishra #RajeevRavi #UjwalKulkarni #TPAbid #MohanBKere #SandeepSadashiva #PrashantDileepHardikar… pic.twitter.com/oAlW0JdldO

— Yash (@TheNameIsYash) June 21, 2026

* పాన్ వరల్డ్ రిలీజ్

ఈ చిత్రాన్ని ఒకేసారి ఇంగ్లీష్, కన్నడ భాషల్లో చిత్రీకరిస్తున్నారు. తెలుగు, హిందీ, తమిళం, మలయాళం సహా పలు భాషల్లో డబ్బింగ్ చేసి విడుదల చేయనున్నారు.

‘కేజీఎఫ్ 2’ తర్వాత యష్ నుంచి వస్తున్న తొలి సినిమా కావడంతో ‘టాక్సిక్’పై ఇప్పటికే భారీ అంచనాలు నెలకొన్నాయి. ఇప్పుడు విడుదల తేదీ కూడా ఖరారవడంతో అభిమానుల కౌంట్‌డౌన్ మొదలైంది.