MLA K.R NAGARAJU, Mamnoor be declared a new revenue mandal
ఆకేరు న్యూస్, వరంగల్: మామునూరును నూతన మండల రెవెన్యూ కేంద్రంగా ప్రకటించాలనే డిమాండ్తో గత 44 రోజులుగా సాగుతున్న ఉత్కంఠకు ఎట్టకేలకు తెరపడింది. స్థానిక ఐక్య కార్యాచరణ సమితి, ప్రజలు చేపట్టిన రిలే నిరాహార దీక్షలు ఆదివారం ముగిశాయి. వర్ధన్నపేట నియోజకవర్గ ఎమ్మెల్యే కేఆర్ నాగరాజు దీక్షా శిబిరానికి చేరుకుని, ఉద్యమకారులకు నిమ్మరసం అందించి వారి దీక్షను అధికారికంగా విరమింపజేశారు.
* మంత్రి పొంగులేటి సానుకూల హామీ…
ఈ సందర్భంగా ఎమ్మెల్యే కేఆర్ నాగరాజు మాట్లాడుతూ.. మామునూరును కొత్త మండలంగా మార్చాలనే స్థానికుల న్యాయమైన డిమాండ్ను తాము ప్రభుత్వం దృష్టికి తీసుకెళ్లామని చెప్పారు. రాష్ట్ర రెవెన్యూ శాఖ మంత్రి పొంగులేటి శ్రీనివాసరెడ్డితో మాట్లాడగా, ఆయన దీనిపై అత్యంత సానుకూలంగా స్పందించారని వెల్లడించారు. మంత్రి నుంచి స్పష్టమైన మరియు సానుకూల హామీ లభించడంతోనే ఈ దీక్షలను విరమింపజేసినట్లు ఎమ్మెల్యే ప్రకటించారు. ప్రజా ఆకాంక్షలకు అనుగుణంగా మామునూరును మండల కేంద్రంగా మార్చేందుకు ప్రభుత్వం కట్టుబడి ఉందన్నారు.
* ఉద్యమకారులకు ఘన సన్మానం…
44 రోజులుగా పట్టు వదలకుండా శాంతియుత మార్గంలో నిరసనలు తెలిపిన ఉద్యమకారుల పట్టుదలను ఎమ్మెల్యే అభినందించారు. అనంతరం దీక్షలో పాల్గొన్న పలువురు ముఖ్య నాయకులను, ప్రతినిధులను శాలువాలతో ఘనంగా సన్మానించి వారి పోరాట పటిమను కొనియాడారు.
ఈ కార్యక్రమంలో వరంగల్ జిల్లా కాంగ్రెస్ కమిటీ (డీసీసీ) అధ్యక్షుడు ఎర్రబెల్లి వరదరాజేశ్వరరావు (ఆయుబ్) తో పాటు పలువురు స్థానిక ప్రజాప్రతినిధులు, ముఖ్య నాయకులు, నియోజకవర్గ కార్యకర్తలు మరియు పెద్ద సంఖ్యలో ప్రజలు పాల్గొన్నారు.
About the Author
Please tell us what is wrong. Your report will be sent to the website team.
