Kamalapur | ప్రభుత్వానికి బీజేపీ విజ్ఞప్తి

Published: 04 Aug 2026 • 05:22 PM

ఆకేరు న్యూస్,కమలాపూర్ :

రాబోయే వినాయక చవితి నవరాత్రి ఉత్సవాల సందర్భంగా రాష్ట్రంలోని అన్ని వినాయక మండపాలకు ఉచితంగా విద్యుత్ సరఫరా చేయాలని కమలాపూర్ మండల బీజేపీ అధ్యక్షుడు ర్యాకం శ్రీనివాస్ రాష్ట్ర ప్రభుత్వాన్ని కోరారు. ఈ మేరకు ఆయన మంగళవారం ఓ వీడియోను విడుదల చేశారు.
వాడవాడలా, ప్రతి ఇంటిలోనూ వినాయక చవితి ఉత్సవాలను అత్యంత భక్తిశ్రద్ధలతో ఘనంగా నిర్వహిస్తారని తెలిపారు. అయితే, గత సంవత్సరం గణేష్ మండపాల నిర్వాహకులపై కరెంటు బిల్లుల భారం మోపడం జరిగిందని ఆయన గుర్తుచేశారు.

ఈ ఏడాది భక్తుల మనోభావాలు, సాంప్రదాయాలను దృష్టిలో ఉంచుకుని ప్రభుత్వం వెంటనే స్పందించాలని, ఉత్సవాలు జరిగే అన్ని గణేష్ మండపాల వద్ద ఎలాంటి ఛార్జీలు వసూలు చేయకుండా ఉచితంగా కరెంటు సరఫరా చేయాలని ఆయన ప్రభుత్వానికి విజ్ఞప్తి చేశారు.