Chiranjeevi - Kaaka | ‘కాకా’లో ‘అమ్ములు’ ఫస్ట్ లుక్ అదిరిందిగా..!

Published: 08 Sep 2026 • 05:06 PM

* చిరంజీవి కూతురిగా అనశ్వర రాజన్..

ఆకేరు న్యూస్, సినిమా : మలయాళీ నటి అనశ్వర రాజన్‌ టాలీవుడ్‌లో వరుస అవకాశాలతో దూసుకెళ్తోంది. ఇప్పటికే పలు తెలుగు సినిమాలకు ఓకే చెప్పిన ఈ కేరళ కుట్టి.. ఇప్పుడు ఏకంగా మెగాస్టార్ చిరంజీవి సినిమాలో ఛాన్స్ దక్కించుకుంది. చిరంజీవి, దర్శకుడు బాబీ కొల్లి కాంబినేషన్‌లో తెరకెక్కుతున్న ప్రతిష్టాత్మక చిత్రం ‘కాకా’లో అనశ్వర కీలక పాత్రలో కనిపించనుంది.

* ‘అమ్ములు’గా అనశ్వర రాజన్ ఫస్ట్ లుక్..

అనశ్వర రాజన్ పుట్టినరోజు సందర్భంగా సెప్టెంబర్ 8న ‘కాకా’ చిత్రబృందం ఆమె ఫస్ట్ లుక్‌ను విడుదల చేసింది. ఇందులో ఆమె ‘అమ్ములు’ పాత్రలో కనిపిస్తోంది. సింపుల్‌గా, హోమ్లీ లుక్‌లో ఉన్న అనశ్వరను పోస్టర్‌లో ‘ఎంబీబీఎస్ విద్యార్థినిగా చూపించారు. అమాయకత్వం, పద్ధతైన రూపంతో ఉన్న ఈ లుక్ ప్రేక్షకులను ఆకట్టుకుంటోంది. ముఖ్యంగా మెగా అభిమానుల్లో అనశ్వర పాత్రపై ఆసక్తి పెంచేలా ఈ పోస్టర్‌ను డిజైన్ చేశారు.

* పోస్టర్‌లో చిరంజీవి షాడో.. ఆసక్తి పెంచిన మేకర్స్

అనశ్వర ఫస్ట్ లుక్ పోస్టర్‌లో మరో ఆసక్తికరమైన అంశం ఉంది. ఆమె వెనుక భాగంలో చిరంజీవి నీడ కనిపించేలా పోస్టర్‌ను రూపొందించారు. దీంతో ‘అమ్ములు’ పాత్రకు మెగాస్టార్ పాత్రతో ఉన్న అనుబంధం ఏంటి? అనే ఆసక్తి మొదలైంది. చిరంజీవి, అనశ్వర మధ్య సినిమాలో బలమైన ఎమోషనల్ బాండింగ్ ఉండబోతుందనే విషయాన్ని ఈ పోస్టర్ సూచిస్తున్నట్టుగా కనిపిస్తోంది. యాక్షన్‌తో పాటు భావోద్వేగాలకు కూడా ప్రాధాన్యత ఉన్న కథగా ‘కాకా’ తెరకెక్కుతున్నట్లు తెలుస్తోంది.

* చిరంజీవి కూతురిగా కీలక పాత్ర..

‘కాకా’లో అనశ్వర రాజన్‌ చిరంజీవి కుమార్తె ‘అమ్ములు’ పాత్రను పోషిస్తోంది. సినిమాలో ఈ క్యారెక్టర్‌కు కీలకమైన ప్రాధాన్యత ఉన్నట్లు చిత్రబృందం విడుదల చేసిన ఫస్ట్ లుక్ చూస్తే అర్థమవుతోంది. ఇప్పటికే తెలుగు ప్రేక్షకులకు తన నటనతో పరిచయమైన అనశ్వర.. మెగాస్టార్‌తో కలిసి నటించే అవకాశం దక్కించుకోవడంతో ఆమె కెరీర్‌లో ఇది మరో ముఖ్యమైన మైలురాయిగా మారింది.

* బాబీ కొల్లి-చిరంజీవి కాంబినేషన్‌పై భారీ హైప్‌..

‘వాల్తేరు వీరయ్య’ తర్వాత చిరంజీవి, దర్శకుడు బాబీ కొల్లి మరోసారి కలిసి పనిచేస్తుండటంతో ‘కాకా’పై భారీ అంచనాలు నెలకొన్నాయి. మాస్ యాక్షన్, ఎమోషన్‌కు ప్రాధాన్యతనిస్తూ ఈ సినిమాను తెరకెక్కిస్తున్నట్లు సమాచారం. ప్రస్తుతం హైదరాబాద్‌లో చిత్రానికి సంబంధించిన కీలకమైన షూటింగ్ షెడ్యూల్ కొనసాగుతోంది. సినిమాలోని ప్రధాన తారాగణంపై ఆసక్తి పెంచేలా మేకర్స్ వరుసగా అప్‌డేట్స్ ఇస్తున్నారు.

* సంక్రాంతి బరిలో ‘కాకా’..

కెవిఎన్ ప్రొడక్షన్స్ భారీ స్థాయిలో నిర్మిస్తున్న ఈ చిత్రానికి థమన్ సంగీతం అందిస్తున్నారు. మెగాస్టార్ ఇమేజ్‌కు తగ్గట్టుగా మాస్ ఎలిమెంట్స్‌తో పాటు ఎమోషనల్ కంటెంట్‌కు పెద్దపీట వేస్తున్నట్లు తెలుస్తోంది. అన్నీ అనుకున్నట్లు జరిగితే ‘కాకా’ 2027 జనవరి 13న సంక్రాంతి కానుకగా ప్రపంచవ్యాప్తంగా ప్రేక్షకుల ముందుకు రానుంది. చిరంజీవి-బాబీ కాంబినేషన్‌పై ఉన్న క్రేజ్‌కు తోడు.. ఇప్పుడు అనశ్వర రాజన్ ‘అమ్ములు’ పాత్ర కూడా సినిమాపై ఆసక్తిని మరింత పెంచుతోంది.

* అనశ్వరకు ‘కాకా’ ఎంత ప్లస్ కానుంది..

టాలీవుడ్‌లో వరుస సినిమాలతో తన మార్కెట్‌ను పెంచుకుంటున్న అనశ్వర రాజన్‌కు ‘కాకా’ లాంటి భారీ ప్రాజెక్ట్‌లో చిరంజీవి కుమార్తెగా నటించడం కెరీర్ పరంగా మంచి అవకాశంగా మారనుంది. ఫస్ట్ లుక్‌తోనే ‘అమ్ములు’ పాత్రపై క్యూరియాసిటీ క్రియేట్ చేసిన అనశ్వర.. సినిమా విడుదలైన తర్వాత తెలుగు ప్రేక్షకులను ఏ మేరకు మెప్పిస్తుందో చూడాలి.