Ajay Devgan in Drishyam 3
* అడ్వాన్స్ బుకింగ్స్లో రూ.10 కోట్ల సేల్స్
* సింగం అగైన్ రికార్డుపై కన్ను
Drishyam 3| ఆకేరు న్యూస్, సినిమా: బాలీవుడ్ స్టార్ అజయ్ దేవ్గణ్ ప్రధాన పాత్రలో తెరకెక్కుతున్న క్రైమ్ థ్రిల్లర్ ఫ్రాంచైజీ చిత్రం దృశ్యం 3 పై ప్రేక్షకుల్లో భారీ అంచనాలు నెలకొన్నాయి. అక్టోబర్ 2న గాంధీ జయంతి సందర్భంగా ఈ సినిమా ప్రేక్షకుల ముందుకు రానుంది. విడుదలకు సమయం దగ్గరపడుతున్న కొద్దీ అడ్వాన్స్ బుకింగ్స్కు మంచి స్పందన లభిస్తున్నట్లు ట్రేడ్ వర్గాలు చెబుతున్నాయి.
రూ.10 కోట్ల అడ్వాన్స్ సేల్స్
ట్రేడ్ అనలిస్ట్ రమేశ్ బాలా వెల్లడించిన వివరాల ప్రకారం.. దృశ్యం 3 ఇప్పటికే సుమారు రూ.10 కోట్ల అడ్వాన్స్ సేల్స్ నమోదు చేసినట్లు తెలుస్తోంది. ఈ ఫ్రాంచైజీకి ఉన్న క్రేజ్, ప్రేక్షకుల్లో ఏర్పడిన ఆసక్తి కారణంగానే బుకింగ్స్ వేగంగా జరుగుతున్నాయని ఆయన పేర్కొన్నారు. విడుదల సమయానికి మరిన్ని స్క్రీన్లు, షోలు పెరిగితే అడ్వాన్స్ సేల్స్ మరింత పెరిగే అవకాశం ఉందని అంచనా వేశారు.
రికార్డుపై దృష్టి
నేషనల్ మల్టీప్లెక్స్ చైన్లలోనూ దృశ్యం 3 అడ్వాన్స్ బుకింగ్స్ బలంగా ఉన్నాయని ట్రేడ్ అనలిస్ట్ సుమిత్ కడేల్ తెలిపారు. అజయ్ దేవ్గణ్ నటించిన సింగం అగైన్ తొలి రోజు PVR INOX, Cinepolis కలిపి 2.27 లక్షల టికెట్ల అడ్వాన్స్ బుకింగ్ నమోదు చేసినట్లు ఆయన పేర్కొన్నారు. దృశ్యం 3 కు ఇదే స్థాయిలో బుకింగ్స్ కొనసాగితే సింగం అగైన్ రికార్డును అధిగమించే అవకాశం ఉందని కడేల్ అభిప్రాయపడ్డారు. దీంతో విడుదలకు ముందే దృశ్యం 3 అడ్వాన్స్ బుకింగ్స్ బాలీవుడ్ ట్రేడ్లో ఆసక్తికరంగా మారాయి.
About the Author
Please tell us what is wrong. Your report will be sent to the website team.
