Akka
* కీర్తి సురేశ్
ఆకేరు న్యూస్, సినిమా: కీర్తి సురేశ్, రాధికా ఆప్టే ప్రధాన పాత్రల్లో నటించిన వెబ్సిరీస్ ‘అక్క’ స్ట్రీమింగ్ తేదీ ఖరారైంది. యశ్రాజ్ ఎంటర్టైన్మెంట్ నిర్మించిన ఈ పీరియడ్ గ్యాంగ్స్టర్ థ్రిల్లర్ సిరీస్ అక్టోబర్ 30 నుంచి నెట్ఫ్లిక్స్లో స్ట్రీమింగ్ కానుంది.
1980ల నేపథ్యంలో..
1980ల కాలం నేపథ్యంలో దక్షిణ భారతదేశంలోని ఓ కల్పిత నగరంలో జరిగే కథగా ‘అక్క’ను తెరకెక్కించారు. మాతృస్వామ్య సమాజాన్ని పాలించే ఇద్దరు గ్యాంగ్స్టర్ క్వీన్స్కు ఓ బయటి వ్యక్తి నుంచి ఎదురయ్యే ముప్పు ఎలాంటి పరిణామాలకు దారితీసిందనేది ఈ సిరీస్లో ప్రధానంగా చూపించనున్నారు.
గ్యాంగ్స్టర్ క్వీన్స్గా..
కీర్తి సురేశ్, రాధికా ఆప్టే ఇద్దరూl గ్యాంగ్స్టర్ క్వీన్స్గా కనిపించనున్నారు. కీర్తి సురేశ్కు ‘అక్క’ తొలి వెబ్సిరీస్ కావడం విశేషం. ధర్మరాజ్ శెట్టి దర్శకత్వం వహిస్తున్న ఈ సిరీస్లో తన్వీ ఆజ్మీ కీలక పాత్రలో నటిస్తున్నారు.
భారీ స్థాయిలో థ్రిల్లర్
హింస, అధికారం, మనుగడ వంటి అంశాల చుట్టూ సాగే ఈ థ్రిల్లర్ను భారీ స్థాయిలో రూపొందించారు. శక్తిమంతమైన మహిళా పాత్రలతో తెరకెక్కిన ఈ సిరీస్పై ప్రేక్షకుల్లో ఆసక్తి నెలకొంది. 2023 నవంబర్లో చిత్రీకరణ ప్రారంభమైన ‘అక్క’ దాదాపు మూడేళ్ల తర్వాత ప్రేక్షకుల ముందుకు రానుంది.
About the Author
Please tell us what is wrong. Your report will be sent to the website team.
