* ఏడుగురు మావోయిస్టుల మృతి
ఆకేరు న్యూస్‌, మలుగు: కాల్పుల మోతతో ములుగు జిల్లా అటవీ ప్రాంతం మరోసారి దద్దరిల్లింది. ఏటూరునాగారం మండలం చల్పాక అటవీ ప్రాంతంలో గ్రేహౌండ్స్‌ పోలీస్‌లు మావోయిస్టులకు మద్య జరిగిన ఎన్‌ కౌంటర్లో ఏడుగురు మావోయిస్ట్‌ లు మృతి చెందారని సమాచారం.. ఇటీవలనే వాజేడు మండలంలో ఇద్దరు గిరిజనులను ఇన్ఫార్మర్ల పేరుతో మావోయిస్ట్‌లు నరికి చంపారు. దీంతో గ్రేహౌండ్స్‌ దళాలు గోదావరి సరిహద్దు అటవీ ప్రాంతాన్ని జల్లెడ పడుతున్నారు. ఈ నేపధ్యంలోనే ఎన్‌కౌంటర్‌ ఘటన చోటు చేసుకున్నది. ఎన్‌ కౌంటర్‌ మృతుల్లో మావోయిస్ట్‌ దళ కమాండర్‌ భద్రు సహా కీలక నేతలున్నట్లు సమాచారం. రెండు ఏకే 47 ఆయుధాలతో పాటు పెద్ద ఎత్తున ఆయుధాలను స్వాధీనం చేసుకున్నట్లు గా తెలుస్తోంది..
మృతి చెందిన మావోయిస్టులు వీరే..
1.కుర్సం మంగు @ భద్రు @ పాపన్న, 35 సంవత్సరాలు, గుత్తికోయ, n/o చెరమంగి (v) బీజాపూర్ జిల్లా, ఛత్తీస్‌గఢ్. TSCM, సెక్రటరీ యెల్లందు – నర్సంపేట AC, AK-47 రైఫిల్.
2. ఏగోళపు మల్లయ్య @ మధు, DVCM, S/o గట్టయ్య, వయస్సు: 43 సంవత్సరాలు, కులం: గౌడ్ (BC), N/o రాజాపూర్ (v), రామగిరి (m), పెద్దపల్లి జిల్లా, తెలంగాణ. DVCM,
కార్యదర్శి ఏటూరునాగారం మహదేవ్‌పూర్ AC, AK-47 రైఫిల్,
3. ముస్సాకి దేవల్ @ కరుణాకర్, ACM, 22 సంవత్సరాలు, గుత్తికోయ, n/o తంబేల్బట్టి (v), ఉసూర్ (m), బీజాపూర్ జిల్లా, ఛత్తీస్‌గఢ్. G3 రైఫిల్.
4. ముస్సాకి జమున, ACM, 23 సంవత్సరాలు, గుత్తికోయ, n/o పొరోవాడ (v), బైరామ్‌ఘర్
5. జైసింగ్, పార్టీ సభ్యుడు, వయస్సు: 25 సంవత్సరాలు, n/o ఇంద్రావతి ప్రాంతం, .303 రైఫిల్.
6.కిషోర్, పార్టీ సభ్యుడు, వయస్సు: 22 సంవత్సరాలు, n/o పాంపాడ్ (v), గంగులూరు PS, బీజాపూర్ జిల్లా, ఛత్తీస్‌గఢ్, ఇన్సాస్ రైఫిల్.
7.కామేష్, పార్టీ సభ్యుడు, వయస్సు: 23 సంవత్సరాలు, n/o మలంపెంట (v), ఉసూర్ PS, బీజాపూర్ జిల్లా, ఛత్తీస్‌గఢ్, SBBL గన్.
……………………………………
