Kalki 2898 | కల్కి 2898 ఏడీ సీక్వెల్

Published: 02 Sep 2026 • 12:40 PM

* రెండేళ్లలో షూట్ .. కేవలం 10 రోజులే

ఆకేరు న్యూస్, హైదరాబాద్ : 2024లో దర్శకుడు నాగ్ అశ్విన్ తన శైలిని మార్చి కల్కి 2898 ఏడీ అనే సైన్స్ ఫిక్షన్ చిత్రాన్ని తెరకెక్కించారు. భారీ స్థాయిలో రూపొందించిన ఈ డిస్టోపియన్ కథలో ప్రభాస్, దీపికా పదుకొణె, అమితాబ్ బచ్చన్, కమల్ హాసన్ ప్రధాన పాత్రల్లో నటించారు. రెండేళ్ల తర్వాత ఈ చిత్ర దర్శకుడు సీక్వెల్ కోసం ఇప్పటివరకు కేవలం 10 రోజులు మాత్రమే షూటింగ్ చేసినట్లు తెలిపారు. ఇటీవలే సీక్వెల్ షూటింగ్ ప్రారంభమైంది.

* కల్కి 2898 ఏడీ సీక్వెల్‌పై నాగ్ అశ్విన్

హైదరాబాద్‌లో దుల్కర్ సల్మాన్ నటిస్తున్న రాబోయే చిత్రం ఐ యామ్ గేమ్ ప్రచార కార్యక్రమంలో నాగ్ అశ్విన్ పాల్గొన్నారు. ఈ సందర్భంగా యాంకర్ సుమ.. కల్కి 2898 ఏడీ సీక్వెల్ గురించి ఆయనను ప్రశ్నించారు.

* అవన్నీ కుదిరినప్పుడు షూటింగ్ ప్రారంభిస్తాం

సీక్వెల్ షూటింగ్ ప్రారంభించాలంటే ‘గ్రహాలన్నీ ఒకే వరుసలోకి రావాలి’ అని గతంలో ఆయన చెప్పిన విషయాన్ని సుమ గుర్తు చేశారు. అందుకు నాగ్ అశ్విన్ స్పందిస్తూ..“ఆ గ్రహాలన్నీ కుదిరిపోయి ఒక రౌండ్ తిరిగేశాయి. ఇప్పుడు మళ్లీ ఇంకో రౌండ్ తిరిగి అవన్నీ కుదిరినప్పుడు షూటింగ్ ప్రారంభిస్తాం” అని చెప్పారు.

* ప్రభాస్ ఫ్రీ అయిన వెంటనే సుదీర్ఘమైన షెడ్యూల్‌

ఆ తర్వాత ఇప్పటివరకు ఎన్ని రోజులు షూటింగ్ చేశారో, ఇంకా ఎలాంటి ప్రణాళికలు ఉన్నాయో సుమ అడగగా నాగ్ అశ్విన్ స్పందిస్తూ.. “పెద్దగా ఏమీ లేదు. ఇప్పటివరకు దాదాపు 10 రోజులు మాత్రమే షూట్ చేశాం. ప్రభాస్ ఫ్రీ అయిన వెంటనే సుదీర్ఘమైన షెడ్యూల్‌లో షూటింగ్ చేస్తాం” అని తెలిపారు.